Jenis-Jenis Tetandingan Banten Sesayut (Tatebasan)


Banten Sesayut atau Banten Tatebasan yang berbeda-beda disesuaikan dengan upacara yang dilaksanakannya.

Banten Sesayut atau Banten Tatebasan kalau disimak dari arti kata Sesayut, yang berakar dari kata “Sayut” atau nyayut memiliki arti mengharapkan, mendoakan, mensthanakan dan mengembalikan.

Sedangkan Tatebasan yang berakar dari kata “Tebas” yang memiliki arti sama dengan Sesayut. Setiap upacara yang dilaksanakan oleh umat Hindu akan memakai Banten Sesayut atau Banten Tatebasan yang berbeda-beda sesuai dengan harapan dan tujuan upacara yang dilaksanakan, begitu juga dalam upacara Dewa-yadnya akan memakai Banten Sesayut sesuai dengan Ista Dewata yang akan di sthanakan atau di puja.

Di dalam suatu wujud bebanten/ upakara terdiri dari tiga kelompok, yaitu;

Kelompok banten Pangresikan, pabresihan atau penyucian, yang terdiri dari:

  • Banten Bayakaon,
  • Banten Durmangala,
  • Banten Parayascitta,
  • Pengulapan,
  • Lis bale gadhing,
  • Banten Padudusan,
  • Banten Dyuskamaligi.

Kelompok Banten ayaban atau persembahan, terdiri dari:

  • Banten ayaban tumpeng lima,
  • Banten ayaban tumpeng pitu,
  • Banten ayaban tumpeng sya,
  • Banten ayaban tumpeng solas,
  • Banten ayaban tumpeng telulikur/udel kurenan,
  • Banten ayaban maulu Pregembal,
  • Banten ayaban maulu Pregembal bebangkit,
  • Banten ayaban maulu pregembal bebangkit
  • dan catur dan seterusnya.

Kelompok banten sebagai pengharapan, terdiri dari:

  • Sesayut
  • Tatebasan

Penggunaan banten Sesayut atau Tatebasan hendaknya disesuaikan dengan upacara yang di laksanakan.

 

Jenis Jenis Sesayut (Tatebasan)

 

SESAYUT PUJA KERTI

Medasar antuk dulang duwur nyane susunin antuk aled sesayut, duwur nyane medaging nasi isehan, maulam ayam putih mulus mapanggang, tancebin sekar tunjung, kawangen 3, kawangene magenah ring kampid 2, ring ikuh 1, jaja raka-raka sarwa galahan, sedah woh, ulam nyane megenah ring duwur nasine, penyeneng alit (tahenan) 1, pras alit 1, sampyan Nagasari, canang pahyasan. Sesayut puniki ka-atur ring Ida Bhatara Iswara.

* Yan nyatur magenah Kangin.

 

SESAYUT TIRTHA MERTHA SARI

Madasar antuk dulang, duwur nyane susunin antuk aled sesayut, duwur nyane medaging tumpeng 1, tancebin sarwa sekar, kawangen 3, ulam nyane taluh melablab 1, tulung 2, sesanganan sarwa galahan, raka-raka sejangkep nyane, penyeneng alit ( tahenan) 1, Pras alit 1, Sampyan Nagasari, Canang Pahyasan. Sesayut puniki ka-atur ring Ida Bhatara Mahadewa.

Yan nyatur magenah Kawuh.

 

SESAYUT CANDRA AGNI MURUB

Medasar antuk dulang, duwur nyane susunin antuk wastra barak, beras barak 2 kulak, base tampelan, plawa bang, warirang bang, duwur nyane susunin antuk aled sesayut, tumpeng barak 1, muncuk tumpenge susunin kulit taluh ayam medaging minyak lan sigi (damar kulit taluh), kawangen 3, tumpenge tancebin sekar pucuk bang 4 katih, maileh antuk benang barak, sesanganan sarwa barak, biyu udang, raka-raka sarwa barak, tulung 2, ayam wiring/biying mapanggang, penyeneng alit (tahenan) 1, pras alit 1, Sampyan nagasari, Canang pahyasan. Sesayut puniki ka-atur ring Ida Bhatara Brahma,

* Yan nyatur magenah Kelod.

 

SESAYUT RATU AGUNG

Medasar antuk dulang, duwur nyane susunin antuk aled sesayut, duwur nyane medaging tumpeng 3 bungkul, asiki tumpenge muncuk nyane medaging taluh bebek lebeng 1, metanceb sekar cempaka nyatur, ring bongkol tumpenge tancebin sekar mailehan, kawangen 2, magenah ring sisin tumpenge, tulung 2, sesangan sarwa galahan, raka-raka sejangkep nyane, penyeneng alit (tahenan) 1, pras alit 1, Sampyan Nagasari, Canang pahyasan. Sesayut puniki ka-atur ring Ida Bhatara Wisnu.

* Yan nyatur magenah Kaja.

 

SESAYUT SIDDHA KARYA

Medasar antuk dulang, duwur nyane susunin antuk aled sesayut, duwur nyane medaging nasi merepat ( sekadi citakan), duwur nasine susunin antuk tumpeng putih 1, kawangen 4, metanceb ring bucuning tumpeng padha asiki, sekar cempaka putih 4 katih, maulam bawang putih, kelapa abungkul, sesanganan, raka-raka sejangkep nyane, penyeneng alit (tahenan) 1, pras alit 1, sampyan Nagasari, Canang Pahyasan. Sesayut puniki ka-atur ring Ida Bhatara Mahesora,

* Yan nyatur magenah Kelod Kangin.

 

SESAYUT SIDDHA MALUNGGUH

Medasar antuk dulang, duwur nyane susunin antuk aled sesayut, duwur nyane medaging nasi bunter, duwur nasine susunin antuk cawan medaging nasi punjungan, duwur nasi punjungan nyane tancebin sekar pucuk barak akatih, ring sisin nasine bunter dagingin nasi pancung 4, matanceb kawangen 4 siki genah nyane nyatur, sesanganan sarwa galahan, raka-raka sejangkep nyane, penyeneng alit (tahenan) 1, pras alit 1, tulung 3, Sampyan Nagasari, Canang Pahyasan. Sesayut puniki ka-tur ring Ida Bhatra Ludra.

* Yan nyatur magenah Kelod Kawuh.

 

SESAYUT CANDI KUSUMA

Medasar antuk dulang, duwur nyane susunin antuk aled sesayut, duwur nyane dagingin tumpeng ageng 1, muncuk tumpenge tancebin sekar tunjung akatih, ring bongkol tumpenge tancebin sekar gumitir genah nyane mabucu telu, ring selagan bunga gumitire dagingin kawangen 3, masadah ring sisin tumpenge, tulung 2, sesanganan sarwa galahan, raka-raka sejangkep nyane, penyeneng alit (tahenan), pras alit 1, Sampyan Nagasari, Canang Pahyasan. Sesayut puniki ka-tur ring Ida Bhatara Sangkara.

* Yan nyatur magenah Kaja Kawuh.

 

SESAYUT TILIK JATI

Medasar antuk dulang, duwur nyane susunin antuk aled sesayut, duwur nyane susunin tumpeng ageng 1, muncuk tumpenge dagingin tengek ayam, tumpeng alit 2 sowang-sowang tancebin bunga cempaka, bongkol tumpenge tancebin sekar ratna mailehan, kawangen 2, mesadah ring sisin tumpenge, tulung 2, sesangan sarwa galahan, raka-raka sejangkep nyane, sedah woh, penyeneng alit (tahenan) 1, pras alit 1, Sampyan Nagasari, Canang Pahyasan. Sesayut puniki ka-atur ring Ida Bhatara Sambhu.

* Yan nyatur magenah ring Kaja Kangin.

 

SESAYUT DHARMA WIKU

Medasar antuk dulang, duwur nyane susunin aled sesayut, medaging nasi 3 pulung genah nyane ngadeg, duwur nyane susunin antuk taluh medadar marepat, muncuk nasi ne tancebin sekar putih padha akatih, ulam taluh bekasem, tulung 2, sesangan sarwa galahan, sedah woh, raka-raka sejangkep nyane, penyeneng alit (tahenan) 1, pras alit 1, sampyan Nagasari, canang Pahyasan. Sesayut puniki ka-atur ring Ida Bhatara Siwa.

* Yan nyatur magenah ring tengah/Madhya.

 

SESAYUT DHARMA WIKU CATUR

Medasar antuk dulang, duwur nyane susunin antuk aled sesayut, duwur nyane susunin antuk penek agung 1, penek tapak 4, medasar antuk beras putih, jinah 11 keteng, kawangen 4, sekar kuning 4 katih, sesanganan, raka-raka sejangkep nyane, sampyan nagasari, canang pahyasan penyeneng alit ( tahenan) 1, pras alit 1.

 

SESAYUT SIWA MURTI

Medasar antuk aled sesayut, susunin antuk tumpeng agung 1, tumpeng alit 2, tumpeng agunge metanceb sekar catur warna maileh, malih tumpeng catur warna 1 mapuncak cawan medaging toya anyar, sekar tunjung 1, malih medaging nasi bunter 1, ring tengah nyane medaging nasi pulungan 1, matatakan antuk cawan, kawangen 5, raka-raka limang warna, maulam ayam putih mapanggang, jinah 225, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring Ida Bhatara Siwa,

* yan nyatur magenah ring Madhya.

 

SESAYUT PRAYASCITTA KAWI

Medasar antuk dulang, duwur nyane susunin antuk aled sesayut, duwur nyane dagingin tumpeng gede 1, tumpeng alit 2, tumpenge sane gde tancebin kawangen 3, tatebus 3 pasang, antuk benang putih, Benang suddhamala ( putih, selem ), mwang benang tridhatu ( putih, selem barak ), tumpenge sane alit tancebin sarwa sekar, tulung 2, sesangan sarwa galahan, raka-raka sejangkep nyane, panyeneng alit (tahenan) 1, Pras alit 1, sampyan Nagasari, canang pahyasan.

* Sesayut Puniki yan nyatur magenah ring Madhya.

* Sesayut puniki ka-atur ring pelinggih- pelinggih utawi magenah ring banten pamereman/piodalan.

 

SESAYUT IDER BHUWANA

Madasar antuk dulang, duwur nyane susunin antuk aled sesayut, duwur nyane medaging nasi merepat sekadi citakan, tancebin sarwa sekar mailehan, kawangen 4, magenah bilang bucuning nasi, ring tengah medaging tulung matangga 1, ulam nyane sakawenang, tulung 2, sesanganan sarwa galahan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring Ida Bahatari Prethiwi.

* yan nyatur magenah ring sor utawi ring tengah.

 

SESAYUT MERTHA SARI LEWIH

Medasar antuk dulang duwur nyane susunin antuk aled sesayut, duwur nyane susunin antuk penek kuning 5 siki, penek putih 5 siki, metanceb sekar putih 5 siki, beras wija atakir, toya cendana atakir, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

* yan nyatur magenah ring tengah.

 

SESAYUT AGUNG

Medasar antuk dulang duwur nyane susunin antuk aled sesayut, duwur nyane susunin antuk tumpeng agung mapucak manik (taluh bebek lebeng), kawangen 4 siki, sekar ireng 4 katih, sesanganan, raka-raka sejangkep nyane, kojong rangkadan medaging rerasmen, penyeneng alit 1, pras alit 1, sampyan nagasari, canang pahyasan.

* Yan nyatur magenah kaler.

 

SESAYUT DHARMA WIKU CATUR

Medasar antuk dulang duwur nyane susunin antuk aled sesayut, duwur nyane susunin antuk penek agung asiki, penek tapak 4 siki, medasar antuk beras putih, jinah 11 keteng, kawangen 4, sekar kuning 4 katih, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

* Yan nyatur magenah kawuh.

 

SESAYUT MUNGGAH TAPA

Medasar antuk dulang, duwur nyane susunin antuk aled sesayut, duwur nyane dagingin tumpeng gde 1, muncuk tumpenge tancebin sekar putih akatih, pengawak tumpenge tancebin sekar putih mailehan, ulam nyane taluh ayam 1, tulung 2, sesanganan sarwa galahan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring luhur utawi ring banten pamereman utawi ring tengah.

 

SESAYUT GIRI KUSUMA

Medasar antuk dulang, duwur nyane susunin antuk aled sesayut, duwur nyane medaging sekar solas warna, duwur sekar nyane genahang tumpeng gde 1, muncuk tumpeng tancebin sekar miyik akatih, ring madhyaning tumpeng tancebin taji 11 katih, rikala nanceban tajine mangdane mamona, bongkol tumpenge medaging kawangen 11 siki, sedah woh 4 ceper, tubungan 4 cepar, sesangan sarwa galahan, raka-raka sejangkep nyane, tulung 11, Daksina 1, arthanya 1100, penyeneng alit (tahenan) 1, Pras alit 1, Sampyan Nagasari, canang pahyasan. Sesayut puniki magenah ring luhuring Akasa utawi ring banten pamereman/ piodalan.

 

SESAYUT SYAMANI LOKA

Medasar antuk dulang, duwur nyane susunin antuk aled sesayut, duwur nyane medaging tumpeng ageng 1, tumpeng alit 4, tumpenge sane gede magenah ring tengah kaiter antuk tumpenge alit, muncuk tumpenge sane gede medaging kulit taluh bebek medaging minyak mwah sigi (Damar taluh), tulung 2, sedah woh, sesangan sarwa galahan, raka-raka sejangkep nyane, ulam nyane sakasiddhan, penyeneng alit (tahenan) 1, Pras alit 1, sampyan nagasari, canang pahyasan, Sesayut puniki ka-atur ring Ida Bhatara Gana, magenah ring luhur tan dados ring sor.

 

TATEBASAN DURGHA DEWI

Medasar antuk dulang, duwur nyane susunin antuk aled sesayut, duwur nyane medaging tumpeng 1 panjang nyane sa-astha (asiku), makarowistha, kalpika, kawangen 1, ulam nyane ayam putih mapanggang, sesanganan raka-raka sejangkep nyane, panyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring pura Dalem.

 

SESAYUT BRAHMA STAWA DEWA

Medasar antuk dulang, duwur nyane susunin antuk aled sesayut, duwur nyane medaging tumpeng 1, metanceb kayu mas 11 muncuk, ulam nyane udang, sesanganan raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring Pura Prajapati.

 

TATEBASAN SARI WREDDHI

Medasar antuk dulang, duwur nyane susunin antuk aled sesayut, duwur nyane dagingin tumpeng ageng 1, tumpenge mawarna catur, dasar nyane selem, duwur nyane barak, susunin antuk nasi putih saha muncuk nyane nasi kuning, ketipat sari 4, sesanganan sarwa galahan, raka-raka catur warna, ulam nyane ayam brumbun mapanggang, penyeneng alit (tahenan ) 1, pras alit 1, sampyan nagasari, canang pahyasan. Sesayut puniki ka-atur ring pura Bale Agung.

 

TATEBASAN BAGIA SETATA SARI

Madasar antuk dulang, duwur nyane susunin antuk aled sesayut, duwur nyane dagingin nasi penek ageng 1 (nasi sodaan), metatakan don kayu sugih mailehan, sesangan sarwa galahan raka-raka sejangkep nyane, katipat bagia 6, katipat sari 6, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring Ida Bhatara Sedana.

 

SESAYUT GURU

Medasar antuk dulang, duwur nyane susunin antuk aled sesayut, duwur nyane susunin antuk wastra putih, beras putih masasahan, base tampelan 1, jinah 11 keteng, duwur nyane susunin antuk tumpeng gde asiki, muncuk tumpenge medaging taluh bebek lebeng 1, tulung urip 2, Sesanganan, raka-raka sejangkep nyane, ulam nyane ayam putih mulus mapanggang, penyeneng alit (tahenan) 1, pras alit 1, sampyan nagasari, canang pahyasan 1. Sesayut puniki ka-atur ring Ida Bhatara Hyang Guru.

 

TATEBASAN PAMAHAYU SOT

Madasar antuk dulang, duwur nyane susunin antuk aled sesayut, duwur nyane dagingin beras aperpatan, base tampelan, benang atukel, jinah 225, duwur nyane susunin antuk nasi maklongkong 1, duwur nasine medaging tulung urip 1 medaging nasi ulam taluh bekasem, kawangen 11 siki, sesanganan, raka-raka sejangkep nyane, sangku medaging toya anyar, panyeneng alit (tahenan) 1, pras alit 1, sampyan nagasari, canang pahyasan.

Sesayut puniki munggah ring Sanggar Kamulan.

 

SESAYUT ARDHANARESWARI

Medasar antuk dulang, duwur nyane susunin antuk aled sesayut, duwur nyane dagingin tumpeng mawarna putih kuning padha abungkul, tulung matangga 2, medaging nasi putih asiki, medaging nasi kuning asiki, kawangen 2, base silih asih, toya anyar atakir, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki magenah ring banten munggah ring Surya utawi ring pelinggih Padmasana.

 

SESAYUT/TATEBASAN KUSUMA DEWA

Medasar antuk dulang, duwur nyane susunin antuk aled sesayut, duwur nyane dagingin tumpeng kuning 7 bungkul, ulam nyane taluh, tumpenge metatakan antuk ceper medaging takir misi sekar kuning soang-soang tumpeng padha asiki, tumpenge metanceb kawangen padha asiki, sesanganan, raka –raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki magenah ring banten Pamereman/piodalan.

 

SESAYUT ADNYAWATI

Medasar antuk dulang, duwur nyane susunin antuk aled sesayut, duwur nyane dagingin tumpeng 11 bungkul, tumpenge metatakan sekar ura, metanceb lilit linting magrenteng jinah bolong padha asiki soang-soang tumpeng, sampyan penek padha ngawa soang-soang tumpeng, ulam nyane itik maguling, sesanganan, raka-raka sejangkep nyane, panyeneng alit (tahenan) 1, pras alit 1, sampyan nagasari, canang pahyasan. Sesayut puniki magenah ring banten pamereman/ piodalan.

 

TATEBASAN DIRGHAYUSA BHUMI

Madasar antuk dulang, duwur nyane susunin antuk aled sesayut, duwur nyane dagingin nasi penek ageng 1, ulam nyane ayam mapanggang, taluh madadar, gerang kepiting, balung katupang, calon pawinda, beras akulak, tatebus tridhatu, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki magenah ring banten Pamereman/piodalan.

 

SESAYUT PABRESIHAN

Madasar antuk dulang, duwur nyane susunin antuk aled sesayut, duwur nyane dagingin nasi punjungan ageng 1, tasik atakir, ulam taluh madadar, sekar putih 5 katih, kawangen 1, sedah woh, sesanganan, raka-raka sejangkep nyane, penyeneng alit (tahenan) 1, Pras alit 1, sampyan nagasari, canang pahyasan. Sesayut puniki magenah ring banten pamereman/ piodalan utawi munggah ring pelinggih.

 

SESAYUT TRI GANGGA

Medasar antuk dulang, duwur nyane susunin antuk aled sesayut, duwur nyane dagingin tumpeng selem 3 bungkul, ulam nyane ayam selem mapanggang, kawangen 3, sesangan, raka-raka sejangkep nyane, penyeneng alit (tahenan) 1, Pras alit 1, sampyan Nagasari, canang pahyasan. Sesayut puniki ka-atur ring Ida Bhatari Gangga, utawi kanggen rikala Pelastian mwang Ngangkid.

 

SESAYUT PANGASTI DEWA

Medasar antuk dulang, duwur nyane susunin antuk aled sesayut antuk busung, susunin antuk kain putih, duwur nyane dagingin tumpeng 2, beras aceheng, jinah 225, benang atukel, tulung urip 2, maulam pudak, sesangan, raka- raka sejangkep nyane, penyeneng alit (tahenan) 1, pras alit 1, sampyan Nagasari, canang Pahyasan. Sesayut puniki magenah ring banten pamereman/piodalan utawi munggah ring pelinggih.

 

SESAYUT PANGENTEG LINGGIH

Medasar antuk dulang. Duwur nyane susunin antuk aled sesayut, susunin antuk kain putih, duwur nyane dagingin beras akulak, benang atukel, jinang 225, susunin antuk tumpeng lelima (5) bungkul, tumpenge tancebin orthi alit padha asiki, kawangen 5 masadah ring tumpenge, tulung urip 5, tipat kedis 5, maulam ayam putih mapanggang, sesangan sarwa galahan, raka-raka sejangkep nyane, penyeneng alit (tahenan) 1, Pras alit 1, sampyan nagasari, Canang pahyasan. Sesayut puniki ka-anggen rikala Ngenteg Linggih.

 

SESAYUT MERTHA DEWA

Madasar antuk dulang, duwur nyane susunin antuk aled sesayut, duwur nyane dagingin penek ageng 1, beras atakir, kawangen 1, ulam sakasiddhan, sesangan, raka-raka sejangkep nyane, penyeneng alit (tahenan) 1, Pras alit 1, sampyan nagasari, canang pahyasan. Sesayut puniki magenah ring banten Pamereman/piodalan.

 

TATEBASAN KUKUS HARUM

Medasar antuk dulang, duwur nyane susunin antuk aled sesayut, duwur nyane dagingin jaja kukus putih miwah jaja kukus selem, susunin nasi masisir, madaging carawis, asep menyan, ring sisin nasine medaging minyak, medaging tadah sukla, sesanganan, raka-raka sejangkep nyane, penyeneng alit (tahenan) 1, pras alit 1, Sampyan nagasari, canang pahyasan. Sesayut puniki magenah ring banten Piodalan/pamereman.

 

SESAYUT MERTHA UTTAMA

Medasar antuk dulang, duwur nyane susunin antuk aled sesayut, duwur nyane dagingin beras kuning susunin nasi penek 1, sesangan, raka-raka sarwa galahan, Penyeneng alit (tahenan) 1, Pras alit 1, sampyan Nagasari, canang pahyasan. Sesayut puniki ka-atur ring Bhatara Sri utawi ka-angen rikala upacara negtegan.

 

SESAYUT SARI UTTAMA

Medasar antuk dulang, duwur nyane susunin antuk aled sesayut, duwur nyane dagingin penek gede 1, muncuk nyane tancebin bawang putih. Muncuk cemara, padhang kasna, tunjung, ring sor nyane tancebin sekar mawarna, ulam nyane ayam mapanggang, sesangan, raka-raka sejangkep nyane, penyeneng alit (tahenan) 1, Pras alit 1, sampyan Nagasari, canang pahyasan. Sesayut puniki ka-anggen rikala upacara Negtegan karya.

 

SESAYUT LANGGENG AMUKTI SAKTI

Medasar antuk dulang, duwur nyane susunin antuk aled sesayut, duwur nyane dagingin penek ageng 1, medaging kalpika 5, muncuk don dapdap, sesangan, raka-raka sarwa galahan, ulam nyane saka siddhan, penyeneng alit (tahenan) 1, Pras alit 1, Sampyan Nagasari, Canang pahyasan. Sesayut puniki magenah ring banten Piodalan/ pamereman.

 

TATEBASAN PRAYASCITTA SARI

Medasar antuk dulang, duwur nyane susunin antuk aled sesayut duwur nyane dagingin tumpeng putih mamuncuk kuning panjang nyane sa-astha, penek kuning 4, maaled nasi catur warna, ulam itik putih maguling, sesangan-raka-raka sarwa pat, tumpenge matajer sekar tunjung putih, penek nyane metanceb kedapan mwang sekar Nagasari, padha 5 katih, katipat sari 5, tulung urip 5, penyeneng alit (tahenan) 1, pras alit 1, kawangen manut tumpeng, Sampyan Nagasari, Canang Pahyasan, kalungah nyuh gadhing 1, tatebus putih kuning. Sami eteh-eteh nyane melakar antuk busung nyuh gadhing. Tatebasan puniki ka-anggen rikala Pecaruan miwah rikala Pelastian.

 

SESAYUT PRAYASCITTA BHUMI

Medasar antuk dulang, duwur nyane susunin antuk aled sesayut, duwur nyane dagingin tumpeng sya (9) warna manut tatanin manca desa, katipat siddha purna, katipat Pandawa, katipat sari, tulung urip, tulung sangkur, sesangan raka-raka sarwa 5, bantal pudak 5, pisang gadhing 5, ulam nyane itik putih maguling, Lis Padma, tumpenge ring tengah matanceb orthi, miwah tumpenge matanceb sekar manut warnaning tumpeng, kawangen 9, tunjung tri warna, Daksina 1 jinah 400, tumpenge sami tancebin sekar sulasih miyik, muncuk don dapdap, tatebus 9 warna, canang harum, canang pabresihan, kalungah nyuh gadhing 1, dagingin beras kuning lan sekar kuning, penyeneng alit (tahenan) 1, Pras alit 1, sampyan Nagasari, Canang pahysan. Sami eteh-eteh nyane malakar antuk busung nyuh gadhing. Sesayut puniki kaangen rikala ngawentenan Karya agung.

 

TATEBASAN PARAYASCITTA ASIH

Medasar antuk dulang, duwur nyane susunin antuk aled sesayut, duwur nyane dagingin sega/nasi popolan, ulam nyane ayam mapecel, katipat kukur, macarawir tetanduk 4, kacang komak padha atangkih, sesangan, rak-raka sejangkep nyane, penyeneng alit (tahenan) 1, Pras alit 1, sampyan Nagasari, Canang pahysan.

 

TATEBASAN MERTHA RAWUH SAHI

Medasar antuk dulang, duwur nyane susunin antuk aled sesayut, duwur nyane dagingin nasi penek 5, maulam bija ratus 5 takir, kawangen 5, sesanganan, rak-raka sejangkep nyane, penyeneng alit (tehenan) 1, pras alit 1, sampyan Nagasari, canang pahyasan. Sesayut puniki ka-atur ring Hyang Sri suci utawi Sang Hyang Amertha, taler kaanggen ring pedagangan.

 

TATEBASAN SARI RAWUH SAHI

Medasar antuk dulang, Duwur nyane susunin antuk aled sesayut, duwur nyane dagingin tumpeng brumbun 1, maulam ayam brumbun mapanggang, sesanganan, raka-aka sejangkep nyane, panyeneng alit (tahenan) 1, Pras alit 1, sampyan nagasari, Canang pahyasan. Sesayut puniki ka-atur ring Pedagangan ring Sang Kala Goncang, sane ngamel sedhanane ring Pedagangan.

 

SESAYUT GURU PIDUHKA

Medasar antuk dulang duwur nyane susunin antuk aled sesayut, duwur nyane dagingin beras akulak, ginawe tumpeng ageng mapucak taluh bebek lebeng, ulam nyane itik putih ginuling, tumpenge masawung maplekir, lawe/benang atukel, jinah 225, tulung agung 1, kawangen 3, katipat siddhapurna 1, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-anggen rikala Maguru Piduhka.

 

TATEBASAN BENDU PIDUHKA

Madasar antuk dulang duwur nyane susunin antuk aled sesayut, duwur nyane dagingin nasi tumpeng 1, ulam nyane rerasmen, sudang taluh, tulung 1, canang pawitra maraka sesanganan bendu, raka-raka sejangkep nyane, penyeneng alit 1, pras alit 1, sampyan nagasari, Canang pahyasan. Sesayut puniki ka-anggen rikala ngaturan Bendu Piduhka.

 

TATEBASAN MERTHA TEKA SAHI

Medasar antuk dulang, duwur nyane susunin antuk aled sesayut, duwur nyane dagingin tupeng 1, ulam nyane saka siddhan, kawangen 1, minyak cendana atakir, sesanganan, raka-raka sejangkep nyane, penyeneng alit (tahenan) 1, Pras alit 1, Sampyan Nagasari, canang pahyasan. Sesayut puniki ka-atur ring Ida Bhatari Sri utawi ring Jineng.

 

TATEBASAN RATU KASELIR

Medasar antuk dulang duwur nyane susunin antuk aled sesayut, duwur nyane dagingin nasi tumpeng ageng 2 bungkul, tumpeng alit 9 bungkul, kacang komak soroh 9, calon 9, taluh 9, aledan pras gde, beras acatu, jinah 225, kojong tundak 27, ancek suddhamala 2, raka-raka soroh besikan/bungkulan, biyu kayu 2 ijas, buntilan nyem 2, penyeneng alit 1, pras alit 1, sampyan Nagasari, canang pahyasan.

 

SESAYUT DURMIKI

Medasar antuk dulang duwur nyane susunin antuk aled sesayut, duwur nyane dagingin nasi tumpeng 1, kawangen 1, katipat siddha hayu 1, tulung urip 1, tulung sangkur 1, kalungah nyuh gadhing, lis peselan, padma, cameng asiki, sujang asiki, ulam nyane ayam sebulu-bulu mapanggang, sesanganan, raka-raka sejangkep nyane, penyeneng alit 1, prasalit 1, sampyan nagasari, canang pahyasan.

 

SESAYUT PRABHU WIBHUH

Medasar antuk dulang duwur nyane susunin antuk aled sesayut, duwur nyane dagingin nasi tumpeng 1, beras 2 catu, ulam nyane jatah asem, lembat, kablet, kakuwung, gunting, pemada, brengkes, dadeleg, sami padha 5 katih matanceb maileh ring tumpenge, jangkepin saha ebat-ebatan nyane, sesanganan, raka-raka sejangkep nyane, penyeneng alit 1, pras alit 1, sampyan Nagasari, Canang pahyasan.

 

TATEBASAN PANGULENG DEWA

Medasar antuk dulang duwur nyane susunin antuk aled sesayut, duwur nyane susunin antuk beras akulak, nyuh abungkul, taluh abungkul, gegantusan / bija ratus, benang atukel, jinang 225, duwur beras nyane susunin sangku medaging toya anyar, lis sanjata pahideran masadah ring sangkune, padma 1, sesanganan, raka-raka sejangkep nyane, sampyan nagasari, canang pahyasan. Tatebasan piniki ka-anggen rikala mapahayu Pemangku.

 

SESAYUT PULAWA BAYA

Medasar antuk dulang duwur nyane susunin antuk aled sesayut, duwur nyane dagingin nasi 9 pulung, katipat kedis 9, tulung 9, sekar tunjung 9 katih, sesanganan, raka-raka sejangkep nyane, rerasmen, inideran ketipat miwah tulung, penyeneng alit 1, pras alit 1, sampyan nagasari, canang pahyasan. Sesayut puniki ka-anggen rikala nyayut wang kalebu / hanyut ring segara.

 

TATEBASAN PANGENTEG LINGGIH

Madasar antuk dulang duwur nyane susunin antuk aled sesayut, duwur nyane susunin antuk nasi bunter maplekir, duwur nasine susunin antuk nasi penek tri warna, matanceb sekar tri warna padha 5 katih, horthi 5 katih, tulung agung 1, tulung sangkur 2, katipat sesayut 1, ring pinggir nyane kaiter antuk sekar, sesanganan, raka-raka sarwa galahan, sedhah woh, katipat siddha purna 1, katipat cakra 1, penyeneng alit 1, pras alit 1, sampyan nagasari, canang pahyasan. Tatebasan puniki ka-anggen rikala ngenteg linggih ring Parahyangan.

 

SESAYUT PURNAMA SADA

Medasar antuk dulang duwur nyane susunin antuk aled sesayut, duwur nyane dagingin nasi tumpeng 2 bungkul, masawung maplekir antuk busung, tumpenge matatakan antuk don miana cemeng, kawangen 2, majinah padha 11 keteng, sekar sarwa wangi, sesanganan, raka-raka sejangkep nyane, penyeneng alit (tahenan ) 1, pras alit 1, sampyan nagasari, canang pahyasan tatebus putih.

 

SESAYUT PANCA RENGGA

Medasar antuk dulang anyar marajah / magambar cakra, duwur nyane susunin antuk aled sesayut, duwur nyane dagingin nasi tumpeng putih 5 bungkul, maulam ayam putih mapanggang, kawangen 5, sesanganan raka-raka sarwa galahan, sedah woh, pisang kembang ahijas, penyeneng alit 1, pras alit 1, sampyan nagasari antuk busung nyuh gadhing, aled sesayut nyane antuk busung nyuh bulan, canang pahyasan tatebus putih.

 

SESAYUT TADAH KALA

Medasar antuk dulang duwur nyane susunin antuk aled sesayut, duwur nyane dagingin nasi punjungan, tanekan akulak, tinanceban tingkah nyane kadi katik bagia medaging sekar tunjung tri warna, ulam nyane bebek selem maguling, tulung urip 5, katipat siddha purna 5, katipat bagia 5, kalungah nyuh gadhing kinasturi 1, katipat sami padha masekar akatih soang-soang, daksina 1, jinah 800, sesanganan, raka-raka sarwa galahan, penyeneng alit 1, pras alit 1, sampyan nagasari, canang pahyasan. Sesayut punik ka-atur ring Hyang Hyanging Prethiwi, mwah ring Hyang Anantabhoga, pemargin nyane rikala jagate kageringan.

SESAYUT KENENG UPAYA

Madasar antuk dulang duwur nyane susunin aled sesayut, duwur nyane dagingin nasi pulungan 3 pulung, katipat siddha hayu 3, genahang duwur nasine, ulam jejatah 3 katih, balung katupang 3, rerasmen kacang komak same padha 3 takir, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

 

SESAYUT PANCA RSI

Medasar antuk dulang duwur nyane susunin antuk aled sesayut, duwur nyane susunin beras catur warna, duwur nyane susunin antuk nasi tumpeng panca warna, padha abungkul, sane putih ulam nyane putih taluh, sane barak ulam nyane udang, sane kuning ulam nyane kuning taluh, sane selem ulam nyane kakul, sane brumbun ulam nyane sradu/karangan, kawangen 5, sesanganan, rak-raka sejangkep nyane, kalungah nyuh gadhing 1, lis senjata, padma, ambengan 11 katih, tirtha empul mawadhah payuk pere, penyeneng alit 1, pras alit 1, sampyan nagasari padha ngawa (5), canang pahyasan 5 tanding.

 

SESAYUT SAPTA RSI

Medasar antuk dulang duwur nyane susunin antuk aled sesayut, duwur nyane susunin antuk tumpeng agung mapanjang asta musthi mawarna pitung warna, putih, barak, kuning, selem, kuranta, jinga, pelung, ulam itik mabetutu, penek putih 4 siki. Tumpeng guru 1, tulung matangga, base silih asih, sampyan sari, tulung urip, tulung sangkur, ketipat pandawa 5, ketipat sari 5 ketipat siddha purna 5, ketipat siddha karya 5, sekar tunjung putih 5 katih, kawangen 7 siki, jinah 7777, sesanganan, raka-raka sejangkep nyane, penyeneng alit, pras alit, tirtha segara mawadhah payuk pere, tirtha danu mawadah payuk pere, sampyan nagasari, canang pahyasan tatebus tukelan.

 

SESAYUT DURMITA

Medasar antuk dulang duwur nyane susunin antuk aled sesayut, duwur nyane susunin antuk nasi penek abungkul, maaled antuk don pandan matatakan klakat suddhamala, nasine dagingin lis asiki, kalungah nyuh gadhing1, cameng 2, medaging tuwak lan arak, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan. Sesayut puniki ka-atur ring Bhatara Surya.

 

SESAYUT PASUPATI

Medasar antuk dulang duwur nyane susunin antuk aled sesayut, duwur nyane susunin antuk wastra barak, dagingin beras barak 2 kulak, base tampelan 9, palawa bang, tumpeng barak 1, muncuk tumpenge susunin antuk damar antuk kulit taluh medaging minyak lan sigi, beten damare punika tancebin sekar pucuk bang mailehan, warirang bang, sesanganan barak 9, raka-raka sarwa barak, biyu udang ahijas, tebu barak, kwangen 9 siki, tulung 2, ulam nyane ayam wiring mapanggang, penyeneng alit 1, pras alit 1, sampyan nagasari, canang pahyasan tatebus barak apasang. Sesayut puniki ka-atur ring Ida Sang Hyang Pasupati.

 

SESAYUT GURU PASUPATI SAKTI

Medasar antuk dulang temagawaja, duwur nyane dagingin wastra barak, duwur nyane susunin antuk kulit sesayut, tamas agung, dagingin beras barak,jinah bolong 99 keteng, susunin daksina suci, ngulap ngambe asoroh, ulam itik putih ginuling, kaiter antuk tumpeng bang 9 bungkul, metegeh astamusti, maplekir 3, dagingin sekar tunjung bang 9, sekar pucuk bang 9 katih, iwak sata biying luh muwani mepanggang, getih itik matah, adeng kayu cenana, adeng tiying gading, sami mewadah cawan anyar, yeh kumkuman, kembang rampe, lenga wangi burat wangi, sami mewadah takir, lengis miyik, pangurip-urip genep, peras penyeneng, sangga urip, pangresikan jangkep, lis padma, buhu-buhu sami antuk don andong bang, canang sari, canang tubungan, canang pangrawos, canang gantal sami antuk don andong, sami masekar barak, raris kabebed antuk benang tatebus bang 9 ileh, tulung urip apasang, padang kasna, parijata, don kedapan nagasari, keris medaging sasat asiki, artha 225 keteng, kalungah gading 1, kalungah bulan 1, kelungah udang, lalang 99 katih, kudung-kudung sami, magenah ring samping sesayut puniki, sampun kaastawayang raris sesayut puniki anggen ngeteh-ngetehin tapakan barong, rangda, barong landung, barong kadingkling, tapel pajegan, jauk.

 

SESAYUT WISESA LUWIH SAKTI

Medasar antuk dulang, bekas dulang siwa upakarana, kekuning-kuningan/temaga, dagingin wastra pinih sor: wastra selem, ring Madhya wastra putih, ring luhur wastra barak, susunin aled sesayut antuk ental, maiseh maplekir maileh,susunin beras tri warna, jinah 11 keteng mereka ongkara, jinah malih 11 keteng mereka angkara, malih jinah 11 keteng mereka ungkara, jinah malih 11 keteng mereka mangkara, ( Ong Ang Ung Mang masusun), daksina suci genep, mewastra barak masabuk selem, kampuh putih, sekar salwiring sekarnya putih, bang. sampingnya tumpeng selem kaja, tumpeng putih kangin, tumpeng barak kelod, metegeh astamusti, maplekir tumpuk 3, dagingin sekar manut warnan tumpeng, ring sisin tumpenge kaiter antuk tumpeng bang 9 siki, sami misi cawan lengis sigi, taler kwangen sami medaging, medaging orti gede bagia, orti pulakerthi, orti bunga, tulung urip pras panyeneng, kembang payas, canang sari, canang gantal, canang pangrawos, canang tubungan, pangresikan, canang antuk ental, kelungah kelapa gading, lis sanjata, siwamba temaga, dagingin bhatara pajenengan, muncuk dapdap 9, mirah brahma, mas, besi, selaka, mejarut benang tridhatu 9 ileh, iwak sata selem, biying, putih, iwak itik putih jambul, ginorang winangun urip, segehan genep, sesayut puniki magenah ring ajeng Barong, Rangda, Barong Landung, barong kadingkling, tapel pajengan, jauk.

 

SEGEHAN PASUPATI

( rangda,barong mwang tiyosan)

Metatakan dulang tanah, segehan mealed don andong bang, susunin segehan agung genep antuk don andong bang, kepelan bang 9 kepel dadi atanding, mabe getih matah, segehan cacahan, kepelan manca warna 9 soroh mabe bawang jahe, masambleh ayam biying, ayam selem, penek barak 9 soroh mabe jajeroan ayam biying bungkulan, nasi wong-wongan rangda apasang mabe jajeroan rauhang bol bawi, nasi wong-wongan bang,putih, selem, mabe bawang jahe, api takep 9, dupa 9, tabuhan tuak,arak,berem.

 

SESAYUT SARASWATI PUJA LINGGA

Medasar antuk dulang, duwur nyane dagingin kasa putih kuning, susunin aled kulit sesayut, maplekir maileh, sami ramuannya antuk busung/don kelapa nyuh bulan, medasar antuk beras putih asibak, beras kuning asibak, medaging jinah duwur berase 66 keteng, dagingin tumpeng agung warna putih ring tengah, kaiter antuk tumpeng bang, pita, jingga, wilis, dagingin tulung 5, raris ring ajeng sesayut puniki dagingin pejati suci genep asoroh, ring nyamuk kelapa daksinane susunin sega, dagingin cawan 3 siki misi minyak sigi, segane maiseh maplekir, kaiter antuk sekar tunjung putih, muwang sekar 4 suwan, maiwak itik putih ginoreng, ring sisinya kaiter antuk padi, ketan, injin, kwangen 9 katih, pulokerti 5, tipat lepet, tipat pandawa, banten saraswati, pangresikan, pabersihan, lis sanjata, kalungah kalapa gading, lalang 33 katih mategul benang tridahtu, artha 225 keteng, canang sari, burat wangi lengawangi, segehan genep.

Sesayut puniki maangge ring upacara ngelinggihang weda/puja

 

SESAYUT DHARMA WIKU PUJA LINGGA

Medasar antuk dulang, duwur nyane dagingin kasa putih, susunin kulit sesayut meceracap maplekir, susunin pejati asoroh, keapit antuk tumpeng agung warna bang, putih, selem, maplekir tumpuk tiga, seletin sekar tunjung putih, kaiter antuk sekar tiga warna, kaiter antuk tulung 5 soroh, kwangen 3, orti 3, pinih ajeng sega plekiran susunin cawan misi minyak sigi 3 siki, woh-wohan 3 soroh, iwak itik ginuling, tumpeng guru asoroh, tulung tangga, base silih asih, sampiyan sari, tulung urip, tulung sangkur, tipat pandawa, tipat sidapurna, tipat sidakarya, tipat sari, peras penyeneng, sekar tunjung biru 3 katih, kalungah kelapa gading, lis senjata, lis padma, kebebed antuk benang tatebus putih, artha 225 keteng, segehan wong-wongan mabe bawang jahe, segehan cacahan, kepelan manca warna mabe jahe .

 

SESAYUT GNI SIWA MURTI

Medasar antuk dulang temagawasa, susunin wastra bang, duwur nyane dagingin kulit sesayut antuk busung kelapan udang, duwur nyane dagingin beras barak, ring tengahnya dagingin daksina asiki melakar antuk busung kelapa udang, mesampiyan andong bang, keapit antuk tumpeng bang 3 siki, mepanjang astamusti, masekar pucuk bang asiki, sowang-sowang tumpeng medaging sekar pucuk bang pada tigang katih, maplekir tumpuk 3, kaiter antuk penek bang 9 bungkul, tancebin sekar bang, kedapan/muncuk don nagasari, canang sari, burat wangi, lenga wangi, tulung 9 soroh antuk don andong bang, orthi 9 katih, iwak ayam biying mulus mepanggang, itik bulu sikep, pangresikan jangkep, lis, segehan jangkep, artha 99 keteng.

 

SESAYUT TRI SAKTI

Medasar antuk dulang duwur nyane susunin antuk aled sesayut, duwur nyane dagingin nasi tumpeng 3 bungkul, kawangen 3, kayu sugih 2, mamuncuk padma asiki, ulam nyane ati mawilahan, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

 

SESAYUT SURYA

Medasar antuk dulang duwur nyane susunin antuk aled sesayut, duwur nyane dagingin nasi mawarna kutus makepel-kepel, sarupaning warna padha asiki, medasar antuk nasi putih popolan duwur nyane tancebin sekar tunjung barak, kawangen 8, sedah sapatindih, sesanganan, raka-raka sejangkep nyane, penyeneng alit 1, prasalit 1, sampyan nagasari, canang pahyasan tatebus manut warnaning nasi.

 

SESAYUT SARASWATI

Medasar antuk dulang duwur nyane susunin antuk aled sesayut masibeh, duwur nyane dagingin penek barak, penek putih, penek selem padha asiki soang-soang warna, kojong rangkadan medaging rerasmen, sesanganan saraswati, raka-raka sejangkep nyane, penyeneng alit 1, pras alit 1, sampyan Nagasri, canang pahyasan, canang lengewangi burat wangi, tatebus nganutin warnanin penek. Sesayut puniki ka-atur ring Ida Sang Hyang Aji Saraswati.

 

SESAYUT DURMIKI

Medasar antuk dulang duwur nyane susunin antuk aled sesayut, duwur nyane susunin antuk tumpeng 1, ketipat siddha hayu 1, tulung urip 1, tulung sangkur 1, kalungah nyuh gadhing kinasturi 1, ulam nyane ayam sebulu-bulu mapanggang, sujang saha cemeng padha asiki, lis peselan, padma, sesanganan, raka-raka sejangkep nyane, penyeneng alit 1, pras alit 1, sampyan Nagasari, canang pahyasan.

 

SESAYUT BAYU LESU

Medasar antuk dulang duwur nyane susunin antuk aled sesayut, duwur nyane susunin antuk nasi aji keteng, taluh abungkul, bawang putih, sere barak, tasik atakir, sesanganan, raka-raka sejangkep nyane, sampyan nagasari, canang pahyasan. Sesayut puniki bantenan ring sanggar.

 

SESAYUT DIRGHAYUSA BHUMI

Medasar antuk dulang duwur nyane susunin antuk aled sesayut, duwur nyane susunin antuk tumpeng 9 bungkul, padha matanceb sekar tunjung, kawangen 9, padha majinah 2 keteng soang-soang, muncuk dapdap padha akatih ring soang-soang tumpeng, sampyan nagasari 9 siki (padha ngawa), ulam ayam brumbun mapanggang, sesanganan, raka-raka sarwa galhan, pancaphla, sedah woh, penyeneng alit 1, pras alit 1, sampyan nagasari, canang pahyasan.

* Anggen ring pamereman / ayaban piodalan.

 

SESAYUT PRAYASCITTA AYU PASEK PAGEH AMUKTI

Medasar antuk dulang duwur nyane susunin antuk aled sesayut, duwur nyane susunin antuk nasi melakar antuk beras 8 catu/kulak, nasi kepelan 5 kepel, tancebin sekar delima 5 katih, ayam mapanggang, mapukang-pukang winangun urip, duwur ulam ayame dagingin jaja dadar, ring ikuh nyane dagingin nasi kuning aruan, tancebin antuk sekar tunjung akatih, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

 

SESAYUT PANCA KORSIKA

Medasar antuk dulang duwur nyane susunin antuk aled sesayut, duwur nyane susunin antuk nasi kepelan barak 5 kepal, tancebin sarin bungan pucuk bang padha asiki, taluh abungkul, kojong rangkadan medaging rerasmen, sesanganan buntilan barak putih soang-soang padha 5 siki, bantal lan tape padha 5 siki, raka woh-wohan 5 warna, penyeneng alit 1, pras alit 1, sampyan nagasari, canang pahyasan.

 

SESAYUT GURU ASIH

Medasar antuk dulang duwur nyane susunin antuk aled sesayut, duwur nyane susunin antuk nasi tumpeng 1, tancebin sekar sulasih miyik, tunjung, cempaka saha taji asiki, kojong rangkadan medaging rerasmen, calon 5 mawadhah takir, sasanganan, raka-raka sejangkep nyane penyeneng alit 1, pras alit 1, sampyan nagasari, canang pahyasan.

 

SESAYUT RSI KAPANDHITAN

Medasar antuk dulang duwur nyane susunin antuk aled sesayut, duwur nyane susunin antuk tumpeng 7 bungkul, metatakan antuk aled tajuh sah tancebin ati soang-soang tumpeng, kojong rangkadan medaging rerasmen, taluh bekasem abungkul, pisang, keladi, jaja uli putih, kekiping putih, bantal pasung 7 siki, jejatah madhu drawa 7 siki, penyeneng alit 1, pras alit 1, sampyan nagasari, canang pahyasan.

 

SESAYUT GNI KENCANA

Medasar antuk dulang duwur nyane susunin antuk aled sesayut, duwur nyane susunin antuk tumpeng ageng 1, kawangen 11, sane 7 genahang ring luhuring tumpeng, sane malih patpat genahang ring bongkol tumpenge, tancebin taji 4 ring bongkol, ring muncuk 11, muncuk tumpenge tancebin sekar putih, ring bongkol tumpenge tancebin sekar 11 katih, daksina 1, jinah 1700, sesanganan, raka-raka sejangkep nyane, tulung, sedhah woh 4, penyeneng alit 1, pras alit 1, sampyan nagasari, canang pahyasan, Sesayut piniki ka-atur ring Hyang Akasa.

 

SESAYUT PANCA LINGGA

Tetandingan nyane; matatakan antuk kulit sesayut, masusun beras akulak manca warna, dadosang tumpeng asiki yening sampun maaru antuk toya cendana lan toya empul, tumpeng ika kaiter antuk punjung warna 4, suwang – suwang punjunge dagingin raka sarwa lalima, katipat sari lima, tipat bagia lima, tulung lima, kawangen lima, sekar tunjung lima, sekar cempaka lima, kedapan naga sari lima, sami metanceb ring punjunge punika, dagingin canang panyusun, ulam itik maguling, di sisin dulange dagingin sekar manca warna, ring muncuk tumpenge tancebin sekar matumpang siya, ( yening agung pengambilan karyane, tancebin antuk sekar emas, nanpan mas, wadah patiasane den ajangkep ).

Sesayut iki druwen Ida Bhatara, yan ana wang nistha, madhya, Uttama, angarubah Kahyangan, ngawangun Kahyangan, yadyan ngingsirang Kahyangan, risampun puput rinadian Kahyangan ika, rikala ngaturang sesepuh, agung alit, sesayut puniki kemargiang, rawuhing pamuput karya. palaniya,… pageh Ida Bhatara, Mahyang ring sangedruwe Kahyangan, amanggih dirgayusa sang anungsung kahyangan ika, rawuhi sang angentatang, kadanda mantri cendek tuwuh. yan sang ratu ngerubah kahyangan ri sampun puput kahyangan ika, yan nora sesayut iki kagelarang, asing genah asta komala alpa yusang desang ratu,

 

SESAYUT SANG HYANG JAGATPATI

Medasar antuk dulang duwur nyane susunin antuk aled sesayut antuk don purna jiwa, duwur nyane dagingin tumpeng putih mamuncuk barak 1, gerang kapiting, taluh bebek lebeng abungkul, jangan bayem marebus atakir, beras 2 takir, raka woh-wohan 7 soan, pisang mas tasak ahijas, ulam nyane ayam putih syungan mapanggang, kawangen 9, jinah 225, daksina 1, sesanganan, penyeneng alit 1, pras alit 1, sampayan nagasari antuk don nagasari lan don kemoning, sampyan penyeneng lan sampyan pras nyane antuk busung nyuh gadhing.

 

SESAYUT PAGER WESI

Medasar antuk dulang duwur nyane susunin antuk aled sesayut, duwur nyane dagingin nasi punjungan, tanekan akulak, tancebin wesi, medaging sekar tunjung 3 warna, ulam nyane itik selem, tulung urip 5, katipat siddha purna 5, katipat bagia 4, kalungah nyuh gadhing kinasturi 4, katipat nyane sami masekar padha akatih, jinah 800, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan. Sesayut puniki ka-anggen rikala jagate gerah utawi kepanesan.

 

SESAYUT MERTHA KARYA

Medasar antuk dulang duwur nyane susunin antuk aled sesayut, duwur nyane susunin antuk nasi merepat (segi empat), ring tengah-tengah nasi ne dagingin tumpeng ageng 1, tumpeng alit 2, genah nyane ngapit tumpenge sane ageng, ring bucuning nasi sane merepat tancebin kawangen padha asiki, muncuk tumpenge sane ageng tancebin sekar tunjung akatih, tulung 2, sesanganan, raka-raka sejangkep nyane kojong rangkadan medaging kacang sesawur sudang taluh (Rerasmen), penyeneng alit 1, pras alit 1, sampyan nagasari, canang pahyasan.

 

SESAYUT PEPEK SARI

Medasar antuk dulang duwur nyane susunin antuk aled sesayut, duwur nyane susunin antuk nasi tumpeng 5 bungkul, kawangen 5 masadah ring tumpenge, orthi 5 matanceb ring tumpenge, ketipat sari 5, tulung antuk ron 5, tulung urip 5, ulam ayam mapanggang, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan.

 

SESAYUT SUKHA WREDDHI

Medasar antuk dulang duwur nyane susuni antuk aled sesayut, duwur nyane susunin antuk nasi tumpeng 3 bungkul, genah nyane mejajar, tumpenge sane ring samping tancebin bunga nagasari, sesanganan, raka-raka sejangkep nyane, panyeneng alit 1, pras alit 1, sampyan nagasari, canang pahyasan.

 

SESAYUT TRI DHATU

Medasar antuk dulang duwur nyane susunin antuk aled sesayut, aled sesayut nyane melakar antuk don bingin, don kroya,don sari sami 15 bidang, duwur nyane dagingin nasi penek kuning 7 bungkul, matanceb sekar sari maileh, benang tri dhatu, beras masasahan, sedah ingapon, jinah 200, maulam udang, sesanganan, raka-raka sejangkep nyane, penyeneng alit 1, pras alit, sampyan nagasari, canang pahyasan

 

SESAYUT PAGOYAN

Medasar antuk dulang, duwur nyane susunin antuk aled sesayut, genjer – genjeran mewarna, sane awarna medaging 18 siki, sedah woh, penyeneng alit, peras alit, canang pahyasan, sampiyan nagasari, raka – raka sejangkep nyane. sesayut puniki ka-anggen ring dewa yadnya.

 

SESAYUT SUDDHAMALA

Medasar antuk dulang duwur nyane susunin antuk aled sesayut, duwur nyane dagingin nasi klopokan maplekir 1, nasi kepelan 5 kepel, putih, barak, kuning, selem, brumbun, sami padha matatakan don suddha mala, matanceb / susunin sekar suddhamala, maulam ayam suddhamala mapanggang, katipat suddhamala 5, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, Canang pahyasan tatebus tridhatu.

 

TATEBASAN PRAYASCITA LUWIH

Medasar antuk dulang duwur nyane susunin antuk aled sesayut, duwur nyane medaging nasi talompakan iwaknya cabe bungkut, muncuk dapdap pada anut panca wara, raka woh-wohan, base ambungan, lis gadang 1, payuk alit anyar 1, isinin toya anyar, kalungah gading kinasturi 1, rerasmen mewadah tuktuk don biyu kayu, pras cacahan 1, tetebus benang putih apasang.manggen rikala mapadudusan




Beryadnya dengan Sharing

Tak akan Mengurangi Pengetahuan

Buku Terkait
Baca Juga