Isi Utama (Inti) Lontar Tutur Gong Besi

1b. Iti tutur Gong Wsi. Iti tutur Gong Bsi, nga, wit Dalem Kawi, nga, kawruhakna denta dadi jatma ika wnang upti astiti praline, astiti baktine lewih, ng, tan lyan Bhatara Dalem, mu raga lewih, nyan astiti bakti, nanghing apang kawruhakna denta arane Bhatara Dalem, ida, nga, Sanghyang Tri Yodadasa Sakti, nga, sah saking Puseh, malinggih ida ring desa, Sanghyang Tri Upasdhana, nga, sah saking desa malinggih ida ring Bale Agung, Ida Sanghyang Bhagawati, nga, sah saking Bale Agung, malinggih ida ring Pempatan Agung, Ida Sanghyang Catur Bwana, nga, sah saking Pempatan Agung

2a. malinggih ida ring Patluwan, dadi ida Sanghyang Sapuh Jagat, nga, sah saking Patluwan, malinggih ida ring setra, dadi Ida Bhatara Durgha, nga, sah ida saking Setra Agung, malinggih ida ring Pamuunan, dadi ida Sanghyang Bherawi, nga, sah ida saking Pamuunan, malinggih ida ring Panguluning Setra, dadi Ida Sanghyang Mrajapati, nga, sah ida saking Panguluning Setra, malinggih ida ring Sagara, dadi Ida Sanghyang Mutering Bwana, nga, sah ida saking Sagara, malinggih ida ring Akasa, dadi Ida Sanghyang Taskarapati, Taskara, nga, Suryapati, nga, u, sah ida saking langit, malinggih ida ring

2b. Gunung Agung, dadi Ida Sanghyang Giriputri, nga, Ganaputra, nga, putra yatha putran Bhatara Guru, hana Sanggar Penataran, Panti, Paryasan kabeh, sakti ring paryangan, nga, sah ida saking Gunung Agung, malinggih ida ring jurang pangkung, lwah, dadi ida Bhatari Gangga, nga, sah ida saking pangkung tukad, malinggih ida ring gaga sawah, dadi Ida Bhatari ring Uma, nga, sah ida saking carik, malinggih ida ring jineng, dadi Ida Bhatari Sri, nga, sah saking jineng kalumpu, malinggih ring pantaraning pulu, dadi Ida Sanghyang Tri Suci, nga, sah saking Pulu, malinggih ida ring dapur, dadi Ida Sanghyang Pawitra, Saraswati

3a. nga, sah saking dapur, malinggih ida ring pawon ring kumba payuk, dadi Ida Sanghyang Tri Mertha, yeh, nasi, be, nga, sah ida saking payuk, malinggih ida ring Sanggar Kamimitan, ngaran aku Catur Bhoga, Aku maraga lanang, maraga wadon, maraga daki, dadi Aku manusa sawiji, ngaran Aku Sanghyang Tuduh, Sanghyang Tunggal, ring Sanggar Paryangan linggih nira, ngaran Ida Sanghyang Atma, rng kamulan tengen bapanta, nga, Sang Pratma ring Kamulan kiwa, ibunta, nga, Sang Siwatma ring Kamulan madya raganya, Susudatma dadi meme bapa, ragane mantuk ring Dalem, dadi Sanghyang Tunggal, nunggalang rasa, sa, nga, sakit, sa, nga, seger, 

3b. sa, nga, sariranta, ya ta Pramawisesa, saking Dalem Kawi, seger, saking Dalem, gring saking Dalem urip saking Dalem pati saking Dalem sunya umantuk ring bayu sabda idep ring raganta, ala sabdan ta, idep bayu saking Dalem, yan ring apah teja bayu akasa, tan hana lewihan ring Dalem, apan Sanghyang Pamutring Jagat, nga, irika sangkanya mtu bedha ring Dalem, sangkan irika astiti upti praline, nga, Dalem, tlas katatwaning Dalem Kawi, pingitakna iki, arang sang pandita wruh ring katuturanya Gong Bsi, nora putus sang pandita, tapwan wruh ring katuturan Gong Bsi, nga, hana wang

4a. akti, roro nora wruh, alaksa sinunggal nora wruh, ring katuturan Gong Bsi, nga, iki rasanya uttama lewih pingit kawiting tutur, nga