Sangkul Putih dan Kusumdewa untuk Pemangku


Mangkin carita Hyang Dewa Bhatara sampun padha malinggih ring Paruman sareng sami mangiring ida Bhatara Guru Dewa, maka Widhin Jagate.

Tumuli gelis ki Pemangku mangregepang wara nugrahan Ida Sang Hyang Pasupati. Maka wiwenang ring Ki Pemangku buata apang dadi Ki Pemangku matur-atur, mangaturang seha, mangastuti muang ngastawa ring padan Hyang Dewa Bhatara sami.

“Om, Hyang Hyang Hyang, Sanghyang Ayu Asiha ring pinakeng hulun, Sira Hyang Sinuhun hasung nugra ring sapula-pali pangilen-ilen padan sira Sanghyang. Samangkana pwahulun inanugrahan den sira Sanghyang Pasupati Ida malinggih ring pucaking gunung Mahameri ring Jambhudwipa, mangke ida kenak tumurun ring Kahyangan ing kene. Om, Ang ya namahswaha. Sa Ba Ta A I Na Ma Siwa Ya”.

Raris ngaturang pasucian, rantasan, panastan, toya siram, susur muang kramas.

“Om, pakulun, hulun aminta asih nugraha ring padan sira Dewa Bhatara Shakti, manusan Dewa Bhatara angaturaken sari pamendak, pasucian, sesarik, susur, kramas, lenga wangi, maduluran wastra sapradeg maka tigasan Dewa Bhatara sinamian  miwah toya pawitra pawasuhan tangan suku pangraratan ring pada Dewa Bhatara pakulun Om, toya Gangga pawitraniya namah swaha”.

Mantra Pangresikan Sekasiki

“Om, pang padyaraga camanam ya namah swaha”.

Mantra Mawasuh Tangan Cokor

“Om, cang camanam suddhaya namah swaha”.

Ngaturang Toya Raup

“Om, Siwa suddhamam swaha, Om, Ang parama Gangga tirtha ya namah, Om, Om, pawitrani  swaha, Om, Om, Dewa Bhatara sampurna ya namah”.

Puput ngaturang toya pasiraman ring Dewa Bhatara malih ngaturang ayab sarining kukus arum.

“Om, shiryam bhawantu ya namah swaha.
Om, sudham bhawantu  ya namah swaha
Om, purnam bhawantu ya namah swaha
Ang Ung Mang Om Dewa Bhatara sharira gandha
Pura wangi, Om, Ang Brahma amrta ya namah swaha”.

Panglukatan Pabersihan

Ngaturang puja dara, ngaran Sanghyang Suci, maka pabersihan saluiring upakara Isane katur ring Dewa Bhatara saha manunas tirtha sarwa camah.

Sharana: sekar abang wiadin petak, toya anyar winadahan payuk anyar.

“Om, Om, Om, sampurna ya namah,
Om, Sanghyang Siwa nirmala jnana,
makadi Sanghyang Trisuci kabanten,
kaanteban akurambyam kaantrem-antreman,
kena ginamel dening wong camah, kaleketikang dening roma,
kaleketikang dening odak,
kararaban kaiberan dening ayam,
kalangkahan dening asu,
kacekel dening wong rare,
 ika ta kaprayascita den Sanghyang,
 ika ta kaprayascita den Sanghyang Ekajana sukla,
Sira Sanghyang Jati Ekajana sukla,
Sira Sanghyang Jati nirmala jnana.
Om, suddha suddha astu pari suddha.
Astu, suddha akasa suddha bumi,
Suddha wigna suddhamala,
Suddha klesa,
Kasuddha den Sanghyang Trilokanatha,
Om, siddhirastu tat astu swaha”.

Pabersihan Saluiring Banten

Pangrihin masirat toya anyar, raris masirat tirha pabersihan,

Sharana: sekar petak wiadin kuning, toya anyar winadahanglas sukla.

“Ang Ung Mang Sarayu pawitram, parama Saraswatyam tiga jnanam ya namah swaha”.


Sumber

Kusuma Dewa & Sangkul Putih

Sri Reshi Anandakusuma, 1973 dan I Made Gambar, 1987



Beryadnya dengan Sharing

Tak akan Mengurangi Pengetahuan

Dapatkan Dalam Versi Cetak
Baca Juga