Ngaturang Datengan
Ngaturang datengan tegak linggih ring padha iringan Dewa Bhatara sami suci tambar muang bebangkit asoroh magenah maring jaba ring Pangubengan. Prasiddha Ki Pamangku ngantebang.
“Om, Indah ta kita Sira Sang Sedahan Panyarikan,
ajeg-ajeg jajeneng anglurah agung alit,
tekaning wadua balanira Dewa Bhatara Hyang Sinuhun Susuhunan Agung
sami sinarengan katuran saji pangaci-aci.
Iki tadah bhutininira, sega linggih karangan kawisan,
Tekaning tadah bebangkit, gelar sanga asoroh,
padha enaka sira ngilingang ungguhanira soang-soang,
anadaha anginuma, sama suka nira makabehan, sama amuktia sari sira,
asungana manusanira urip warasa dirghayusa.
Om, Ang Ah amrta ya namah, Ang Ung Mang Siwa amrta ya namah swaha”.
Sausane ring jaba raris ngaturang canang pamendak ring jaba rauh ring jeroan saha papendetan, muang rantasan ngaturin Dewa Bhatara malinggih ring palinggihan Ida Padha soang-soang, ngaturang wastra pasalinan, muang praresikan, sopacarane sami.
Risampun wus memendak, mapependetan, irika raris Ki Pemangku gelis mangredana, mangaturang bebantenane sami: nanging Ki Pemangku prayatna mamitang panugrahan duun, magelar asep ngaturang puja pranamnya dumun.
Iki Puja Pangadegan Dewa Bhatara Ring Banten Suci
“Om, Nama Siwaya. Tan kalabetan tulah kalawan carik muang pamidi,
moga luputa ring lara roga muang wigna: hulun minta sih kerta nugraha Dewa Bhatara,
hulun amuja ring Paduka Dewa Bhatara pukulun”.
Iki Pujania
“Om, Kurusya maha wulacek, kretanjala maha Padma,
Hyang Dewa saha puspalingga padhaning,
Hyang Wulacek Sang Hyang Wisesa, sarwa Reshi sira makendi manik kencana,
Sang Kasuhun Dewa Kala Shakti, pakundan Dewa Ghanapati,
Lenga Sang Korsika, tasik Dewa Ghana Shakti, pisang Dewa Kumara,
Susuruh Dewa Wisnu, apuhe Dewa Brahma, pelaus Dewa Mahadewa, pelawa Dewa Siwa, Dewa Sambusira ring burat, Dewa Rudra maka caru, bebanten Sanghyang Sukla Paksa,
Sajeng Sanghyang Esawarna, ulame Dewa Bharuna, lelawuh Dewa Maheswara, sadrasa maka imbuhan,
Sadhana pinaka artha, Bhatari Suci Nirmala mangicenin sarwa sari,
Arining Surya Nirmala, pyja Sanghyang Dharma, nguni weh jagat wisesa,
Akasa lawan pratiwi, Raditya lawan Candra Sanghyang Tunggal lawan puja,
Sanghyang Pramana sarining jagat, astu denira Sanghyang Lokanantha,
Sama sampurna ya namah”.
Ngastawa Dewa Ngider Bhuwana Pangiringe Ring Banten Suci
“Om, Iswara purwantu Dewa, gneyantu Maheswara, Brahma daksina Dewa,
Nerityantu Rudra Dewa, pascimantu Mahadewa, wayabyantu Sangkara Dewa,
Utarantu Wisnu Dewam, ersanyantu Sambu Dewa, Madhaya adah Siwa Dewam,
Madhya Sadasiwa Dewam, urdah Paramasiwa Dewam sarwa Dewa mukyantu,
Om, Om Hyang Shri Dewa-Dewi maha amrta pasupataye namah swaha”.
Ngadegang Dewa Nyatur Bhuwana Ring Bebanten
“Om, Ang Brahma rakta warna Saraswati Dewiya bhyo namah swaha.
Om, Ung Wisnu kresna warna Shridewiya bhyo namah swaha.
Om, Mang Iswara sweta warna Umadewiya bhyo namah swaha.
Om, Om, Rudra pita warna Dhurgadewiya bhyo namah swaha.
Om, Om, Shri Guru jagat peruke bhyo namah swaha”.
Malih Nglingkupang Dewa Bhatara Sanghyang Ring Guru Dewa
“Om, Ang Mang Siwanatha warna Giriputri dampetye namah swaha”.
