I

prihantemen dharma dumeranang sarat
saraga sang sadhu sireka tutana
tan artha tan kama pidonya tan yasa
ya sakti sang sajana dharma raksasa

 

II

sakanikang rat kita yan wewenang manut
manupadesa prihatah rumaksa ya
ksaya nikang papa nahan prayojana
jananuragadi tuwin kapangguha

 

III

guwa peteng tang mada moha kasmala
maladiyolanya magong mahawisa
wisa ta sang wruh rikanang jurang kali
kalinganing sastra suluh nika prabha