Berbagai Jenis Upakara dan Bentuk Tetandingan Banten


46. Berbagai Tetandingan Canang

Canang adalah suatu Upakara/banten yang selalu menyertai atau melengkapi setiap sesajen/persembahan, segala Upakara yang dipersiapkan belum disebut lengkap kalau tidak di lengkapi dengan canang,  begitu pentingnya sebuah canang sari dalam suatu Upakara/bebanten. Canang merupakan simbolis dari inti pikiran dan niat yang suci sebagai tanda bhakti/hormat kepada Hyang Widhi ketika ada kekurangan saat sedang menuntut ilmu kerohanian (lontar Mpu Lutuk Alit).

 

Canang Genten

Metaledan antuk ceper, wiyadin merupa raringgitan, Taledan nyane susunin antuk plawa, paporosan antuk sedah / base, medaging apuh / pamor, lan jambe / pinang, mategul antuk tali porosan, susunin wadah lengis, sekar lan pandan harum, maka suksman ipun pinaka panunggalan kahyun suci nirmala, parek ring Ida Sang Hyang Widdhi, Jambe apuh lan sirih / base pinaka prelambang Brahma, Wisnu, Siwa.

Canang Lenga Wangi

Medasar antuk taledan canang, duwur nyane susunin campuran minyak kelaparing adeng, miyik – miyikan minyak areng, camprin malem lan menyam, minyak putih burat wangi, campuran kelapa ring akah cendana, menyan majagau, serana menyan majagau lan cendana, mateges Sang Hyang Tri Purusa. duwur miyik – miyikan nyane susunin sampiyan uras, duwur nyane susunin sekar sawarnan nyane lan kembang rampe.

Canang Sari

Medasar antuk taledan canang, medaging plawa lan porosan, duwur nyane medaging sampiyan sari, berasa kuning, minyak wangi, sekar sejangkep nyane. suksman ipun maka sarin kahyune bhakti ring Sang Hyang Widdhi.

Canang Gantal

 Munggwing tetandingan nyane pateh sekadi canang genten, sakewanten maweweh lekesan kekalih, metegul antuk talin porosan, duwur porosan medaging wadah uras lan sekar

Canang Tubungan

Munggwing tetandingan nyane taler pateh sekadi tetandingan canang genten, sakewanten porosan nyane antuk base tubungan, muncuk lekesan metampak dara, metegul antuk talin porosan, susunin sampiyan uras lan sekar sejangkep nyane.

Canang Pengrawos

Munggwing tetandingan nyane pateh sekadi canang genten, sakewanten medaging kojong 4 siki, suang – suang medaging apuh / pamor, medaging taled sane kasusunin tangkih kalih, suang – suang medaging minyak wangi lan wija.

Canang Nyah Nyah Gringsing

Medasar antuk taledan ceper, medaging jaje kakiping, pisang mas, nyahnyah gringsing ( medasar antuk ketan injin menyahnyah ), mekaput antuk tangkih don kraras, medaging porosan, sampiyan uras lan sekar sejangkep nyane.

Canang Pangresikan

Medasar antuk ceper,  medaging  tangkih  7  siki,  suang – suang medaging sig -sig, ( beras menyahnyah ngantos puwun ), kakosok   kuning ( tepung  mecampur kunyit ), kakosok putih ( tepung beras ), tepung tawar, medaging nasi segau, medaging minyak lan sesarik.

Canang Pahyasan

Medasar antuk tangkih bucu telu, mesusun antuk jejahitan pahyasan, plawa, porosan, sampiyan uras lan sekar.

Canang Duma

Medasar antuk ceper, medaging tangkih 6 siki, suang – suang medaging kacang putih 5 siki, kacang komak 5 siki, ubi 5 iyis, keladi 5 iyis, isen 5 iyis, beras 5 siki, punika sane mentah, duwur nyane medaging plawa 5 bidang, sodan mejahit, ma-apuh, pinih duwur susunin sampiyan uras lan sekar.

Tadah Sukla

Tetandingan nyane pateh sekadi canang duma, nanging maweweh antuk minyak, canang genten, canang sari, lan kacang-kacangan sane makasami magoreng.

Canang Meraka

Medasar antuk ceper, medaging tebu, sesanganan, woh – wohan, sampiyan nyane medaging plawa, porosan, sampiyan pras lan sekar.

 

47. Tetandingan Dewa – Dewi

Tetandingan Dewa – Dewi, medasar antuk tatempeh utawi bokoran sane ageng, duwur nyane dagingin beras akulak, jinah 25 keteng, benang putih,base tampelan duwur nyane susunin antuk taledan antuk janur melumbang sekadi tatempeh punika, duwuring taledan punika susunin kain putih, duwur nyane dagingin kelakat sudamala kalih, genahnya mejejer, kelakat sudamala puniki dagingin taji antuk tiying, tajine punika kaiket ring klakate, ritatkala ngenahang tanyingan tajine marep menek, ring taji kekalih puniki sami dagingin / tusukin don biyu mapinda tampak dara asiki, don maduri putih kutus bidang, don ancak kutus bidang, don bingin kutus bidang, sami don maduri, don ancak, don bingin, mejahit / merupa segitiga utawi segi kutus, duwur nyane malih dagingin kawangen asiki, kuwangen puniki medaging jinah bolong kalih, raris sami kelakat sudamala puniki mategul antuk benang putih medaging jinah 225 keteng, duwur nyane malih dagingin jinah bolong kutus keteng, tusukan jinah siki raris tusukin kalpika antuk don bingin, malih jinah bolong, malih kalpika don bingin, nyantos genep kutus jinah bolong, kutus kalpika antuk don bingin, raris duwur nyane malih dagingin jinah limolas ( 15 ) keteng, tiap telung keteng jinah belatin antuk kalpika don bingin, kenten ngelantur nyane nyantos genep medaging jinah limolas keteng masusun, raris punih duwur / muncuk tajine dagingin tipat lingga sane melakar antuk don ambengan / lalang.

 

Malih eteh-eteh upakarane:

Sami ring samping kelakat sudamalane dagingin kain putih sane sampun malipat panjang nya duwang potong, kalungah nyuh gading sampun makasturi kalih buah, base lembaran petang lembar,base tabungan pitung lembar, sami maalas antuk tamas melakar busung, dagingin canang sari duwang tanding, utawi canang buratwangi.




Beryadnya dengan Sharing

Tak akan Mengurangi Pengetahuan

Baca Juga