Berbagai Jenis Upakara dan Bentuk Tetandingan Banten


39. Tetandingan Banten Pemlaspas

Medasar antuk ngiyu mesrembeng, dagingin aled sesayut, susunin tumpeng legit abungkul, tumpenge tancebin orti bunga, sodaan, panyeneng alit, peras alit, daksina 1, suci asoroh, sesayut matipat siddha hayu 1, tebog limas medaging nasi putih medaging sesawur lan kacang, sampiyan tumpuk, ulam bebek putih maguling, lis senjata, padma, canang pahyasan, coblong asiki, payuk pere asiki, tanding dados awadah.

 

40. Tetandingan Banten Peras Pemlaspas

Medasar antuk taledan, susunin kulit peras, dagingin raka woh – wohan jangkep, tumpeng putih abungkul, tumpeng kuning abungkul, ulam nyane ayam putih mulus lan ayam putih siyungan luh muani mepanggang, sampiyan tumpuk / sampiyan peras.

Nihan Tetandingan Akarya Toya Padudusan

  1. Toya Pakerisan  
  2. Toya Salukat                
  3. Toya Pancoran             
  4. Toya Mahulekan
  5. Toya Dhedari               
  6. Toya Sagening
  7. Toya Empul
  8. Toya Sudhamala
  9. Toya Mangening
  10. Toya Bulan

Ngamet toya ika meserana antuk upakara, ngambil toya rikala wawu mijil Ida Sang hyang Surya, utawi mijil Sang Hyang Candra, Ika toya Mahotama anggen sarana padudusan.

saha patelesan anut wetan, sadsad sudhamala, palangkan anyar, prabot tunun jangkep, prabot sawah den jangkep, pari pong tenah, kampil misi beras, jinah 225 keteng, tikeh dadakan.

Iki luwire Pebangkit magenah ring Padudusan Agung

Tadah 1, peras 1, benang atukel, jinah 225, satha pinanggang 12, jinah a pebangkit 25, benang atukel, mwang nasi cacahan 11 tanding, iwak nyane ebat-ebatan, mawadah ngiyu anyar jinah haled 11 keteng suang – suang.

Malih gelar sangha:

Ikang iwak nyane jatah lebeng asibak, matah asibak, mwah calon mawadah ngiyu anyar, jinah 11 keteng.

Malih garuda:

Nga, Timnuhan acatu, sarwa biru, mawadah ngiyu anyar, megambar Garuda, iwak sesate 23 katih, olah-olahan genep, mahaled pipis 1.125, benang 5, mwah payuk anyar mewadah ngiyu ika, munggah 4, pada merajut benang putih, barak, kuning, selem, medaging banyuning beras putih, beras barak, beras kuning ( ketan ), beras selem ( injin ), mewadah ngiyu anyar mahaled jinah 1.125, benang 5, payuk anyar 1, medaging toya anakan.

mwah, jun pere 9, maiket dening ririhan mawarna, misi toya uttama, makalung jinah 25 sowang-sowang, ilih anyar 1, sibuh pepek sudhamala 1, kuskusan sudhamala 1, misi lawe 18, jinah 25, dwi -dwi 25 sowan, kumba carat , sesenden 1, hanut swakarya niya. cecepan pada misi toya, mekalung jinah 25,  kren 1, misi beras putih salambur, injin, beras barak, misi jinah 25, isuh -isuh don kayu sisih, kayu pupug, kayu tulak, kamurugan, tepung tawar. cucukan ayam putih, bebek putih jambul, ayam sudhamala, bawi plan, dumegan nyuh bulan, nyuh gading, nyuh gadang / mulung, nyuh udang, nyuh sudhamala, nyuh sangket, nyuh bajulit, nyuh empal, nyuh rempet, sami pada  kinasturi,  pada masusun anut dik – widik, tekaning janur ( busung ) maka lis, jinah tatakan cengira ( bungkak ) 25 keteng wenang.

Widhi Widanannya :

Beras 3 kulak, benang satukel, wastra putih saperadeg, ketan, injin, sudang taluh, kacang komak, gula 1, pisang 2 baha, jinah 1.700, prabot padudusan sami masurat.

  1. Nihan Tetandingan Banten Pungu-pungu.
    Medasar antuk tatempeh susunin tapih anyar, maaled muncuk don telujungan, miwah kampil, medaging nasi apaningkeban, macongger linting 4, horti 2, gedongan, medaging solasan, pindha, tepung tawar, pahyasan, sancak, masampyan sangsangan.
  2. Nihan Tetandingan Panca Kusika
    Medasar antuk ngiyu, susunin aled gede, aled antuk kulit peras mabusung 9 katih dadi tunggal miwah kampil, medaging tumpeng lima warna : putih 1, barak 1, kuning 1, selem 1, brumbun 1, macongger muncuk ambengan, raka – raka sakawenang, rerasmen, mwah cawu mumbul 2, misi nasi pulung putih 5, nasi pulung kuning 7, ulam ayam brumbun pinanggang, horti 2, klakat suddhamala luh muani, mesampyan pangambiyan / sampiyan tangga.
  3. Nihan Tetandingan Gayah
    Medasar antuk taledan rwaning talujungan,  Kampil, Horthi 2, Pahyasan, Pindha, Sasamwan, Tepung Tawar,  Solasan, Sancak,  Sedha Whoh, Penek 9 bungkul,  Sampiyan  Sangsangan,  Ulam  nyane brabas  hayung  –  hayung. ( brabas ngaran brengkes jajeron, makaput antuk don waru ), hayung – hayung ngaran pepesan muluk, polo, mwang jajah.
  4. Nihan Tetandingan Nasi Garuda Pelung
    Tembohan acatu, saha penek pelung 3 bungkul, taluh 2, ulam nyane sesate paideran, mwang mapindha, pahyasan, sesamwan, sancak, tepung tawar, sedah whoh, sampiyan metangga.
  5. Nihan Tetandingan Banten Peras Mageng
    Medasar antuk aled, susunin kulit peras 5 siki, dadi tunggal, medaging tumpeng putih lan kuning, ulam nyane ayam putih siyungan pinanggang, saha raka – raka dena genep, rerasmen, horthi, sedah whoh, sampiyan metangga / sampiyan peras.
  6. Nihan Tetandingan Rerawon
    Ngarang Gerang asem akuwu, nyuh 2 sibak, misi penek pada asiki, sinokan getih, mahaled antuk tapis anyar, saha raka – raka jangkep, tepung tawar, sampiyan sangsangan.
  7. Nihan Tetandingan Banten Catur Labha
    Cuwek 4,   misi   nasi   catur warna, matatakan ngiyu masurat padma 4, saha   raringgitan    rwaning    kamoning    ( daun kamoning ), rwaning bila ( daun bila ), tajin ambengan, tajin glagah, mwang dwi – dwi, muncuk ancak, muncuk bingin, sulasih, padha 3 muncuk mategul antuk benang tridatu.
  8. Nihan Tetandingan Banten Gelar Sangha
    Metatakan antuk ngiyu anyar, masurat padma 9, nasi sasahan mewarna siya ( 9 ), tatakan nyane aled baywan, ring tengah misi nasi mewadah takul, masusun kacang komak, sudang taluh, mesampiyan wadah uyah, misi uyah, mwah nasi among, mapupuk bawang jahe, matatakan besogan, mesampiyan pusung, mwang pahyasan, sasamwan, pindha, tepung tawar, pisang matah, pisang rateng, rumbah gile ( Nga : getih masusun basa rajang ), sasak mentah ( calon lebeng siniyokan getih matah ), calon pulung 9, calon mekatik 9, taluh 9, urab barak – urab putih 9 tanding.
    • Purwa : Jepit Babi
    • Ghneyan : Serapah
    • Daksina : Sate Lembat
    • Nairiti : Sate Letlet
    • Pascima : Jepit Iga
    • Wayabya : Sate Sunduk Ro
    • Uttara : Sate Asem
    • Airsanya : Sate Gunting
    • Madhya : Kakuwung

Sami punika pada akatih, jangan sakawali, sambel isen, sampiyan plaus 9 besik.




Beryadnya dengan Sharing

Tak akan Mengurangi Pengetahuan

Baca Juga