Watak dan Nasib dalam Lontar Udayati


Download Semua Konten PDF – 12 Bulan

Rp 100.000,00
Info Akun

Total: Rp100.000,00


Contoh PDF hasil dari download
Klik disini

  • Donasi untuk download semua konten yang ada di website ini ke versi PDF.
  • Hak akses download berlaku untuk 12 bulan.
  • Konten akan terus ada penambahan, dan anda bebas untuk download konten baru (selama akun aktif).
  • Pastikan menggunakan Email aktif untuk konfirmasi akun.
  • Pembayaran dengan Transfer Bank
  • Aktivasi akun mak. 1×24 jam setelah pembayaran.


TEKS LONTAR UDAYATI

(Palelinduran)

 

1a. Udayati, watek Redité, wetuning wong weh-wehan Hyang Iswara, purwa désanya, Bhatara Indra déwatanya, kakayonya kayu putih, mamanukanya syung, mayanya sungéngé, pwayanganya panji, sasatonya mésa, babutanya maulu asu, uninya ridu, prarésinya kumba, tuwuhnya tuwuh pucang, ring, ra, wetunya, ring karna mwah ring tangan gunanya, sebet maring gawénya, prajnya mangrenga pawarah yukti, wicaksana maring ucap, tur prataméng prajurit …

1b. purusa, tur wisara ya guna wisésa, wisaya gunaning wong labda parama ring istri, listu hayu rupanya, paja-paja pangadeganya, alit akuning pamulunya, ageng tridha, wekasan duka ageng, maring rama ibunya, tur brawarahan kakéhan ucapan, plalakonya ada ida sekul, mwang ada bahina tmas, samangkana sunya sang Redité, mwang babotoh undagi nyanggingin lakonya, yan ya duka mageng kelar acala-acala, yan kena prih geng arsanya, iku kasukanya, yan tan samangka- …

2a. na, sengit tuli marédanya, tan apisan akrama, buranca onyah, ganjah monyér, tan ajenek dumunung, sang Redité sang kejegan, yan lanang andeng-andengan purusnya, yan wadon baganya, corah cipta walik ulat, tur kelar tebes linyok, kudu ulahnya, kelar mangwisésa gelah rowang, akas swaranya, tur brahitungan, olahnya brangti satuwuk, goroh dana upama ring mitrané twi, samangkana polahnya, sang Redité, nga. Kunang lara wewehanira, ring ulu ring karna, lara nétra mwang ring cangkem, mwang ring …

2b. awak kabéh, lara ring tangan ring suku, lara arah mwah lara empuk, kurap, koréng parang berung, lara metu rah ring paturonya susurén gringnya mangreres, sawat tingalnya, samangkana lara sang, urip dawuh, 5, patiné dawuh, 2, yéh panglukaté, wenang ngidih ring wong manyagal, mwadah kumba susu lima, carunya sarwa kuning, sekarnya sarwa putih, suci genep, gula, bébék, syap, 5, mapanggang, …

3a. mwah pangirinya dén asregep, gédang hayu, suruh hayu, utang-utanganya, arta, 555, malukat mapatlasan putih, nga. Mwang duluranya, sakadi banten panglukaté genep. Ma: Om Adipati ya namah Iswara, sang Redité, ping lima anjanma, nga. Ika lingganya rarajahanya, ring sadananya, mwang surat raganya, sang Redité, kaya iki wimbanya, nga. …

3b. Semalih yan malukat, yan harep mahayunya, wongé metu ring Redité, maka pamahayunya, banten panatabé ngarepin Kamulan, lwirnya, sasayut kasuma jati, mwadah dulang, syap putih pinanggang, wus lebeng, nu ukudan mawuwap basa lebeng, basa bawang jahé, …

4a. mwah raka, cara sasayut sami, sampyan naga sari, sekar sarwa putih, malih atanding nasi polpol, mwadah dulang, malih kitar katipat syung sapurna, kéhnya, 7, besik, raka genep, sarwa wangi, porosan, 11, besik, sekar warna, 11, katih, sampyan naga sari, malih nasi popolan, benya taluh madadar, ben katipaté taluh malablab raris sibak, rarasménya kacang komak, lalampadan, sukla pitra, pisang payasan, kembang rampe, pras tatakan, tatrag, panyéneng kampuh sapradeg, dulurnya, sagi genep, beras, 5, …

4b. catu, artha, 500, lawé satukel // 0 // 0 // Iti palintanganya, ra, u, lintang kala sungsang, hala kacarik hatiné, kelar labuh porot mati pwaranya, yan tan samangkana, hala wekasanya, wawu satengah tuwuhnya, irika linimut ujarnya hala, kelar kadalih nengenin déning sasamanya, kapejahanya tinuwek selantang jalan, malih yan dinalih hala déning sasamanya, kereng rentang pangkah minangguh angganya hayu, tur wani ujarnya, manangtang-nangtang, tur sumbar celacap polahnya, yan atukar hala tan dadi kasoran, yan dana ujar mahayu, nora dén ngrungu, …

5a. pageh pengkuh dénya, samangkana polahnya, kunang papa hayunya, bawi, ji, 1111, bébék, 5, syap, elis, sasayut dén agenep, malukat madudus wenangnya, maduluran banten malukat, wenang dén asregep, wenang sang pandita ngrayunin, malih wus linukat, di malukaté maprantasan, masasayut mwadah pabangkit dén asregep, tatabin ring paturonya // 0 // Ra, pa, lintang gajah, nga, hayu wredhi, halanya kelar duka ring rowangnya, ngiyég pageh patut, tur purusa wisaya guna, pagurwan sastra yukti, …

5b. anghing gelis ya sugih bumi, hayu yowana yusa, kéh putranya, nging wekasan kéh ujar hala, ika kelar dukan rowangnya, kunang pamahayunya, bawinya pada sregep, mwah tadah pabangkit de sregep, nga // 0 // Ra, pwa, lintang patra, nga, hala kacarik patiné, halanya, nyuduk sarira, patine, sinuduk selantang jalan, malih patinésiningetin sarwa pesu, yan tan samangkana, wekasan kapejahanya ngawa berung, samangkana polahnya, kunang pamahayunya, bawi, ji, 777, bébék, 5, syap, 11, kunang pamahayunya, panébusanya, …

6a. sasayut dén agenep, tumpeng putih kuning, pada, 1, raka genep, ayam kelawu kuning pinanggang, sampyan naga sari, tadah pabangkit, nga // 0 // Ra, wa, lintang uluku, nga, hayu wredhi yowana, nging kelar tundén rowang, setata kelar panjang kang pisaga, tur sadu darma tutut, sing gawénya manggih laba, bohin sédana, tinggen dampukan, malih laranya duking laré penuh jajaka, mwah pangantenan laranya kabaya-baya, tunggalnya lara das pejah, diwusé aputra, hana halanya, liniputan déning ujar mahala, kelar kadalih wisaya, …

6b. amatening wang, samangkana polahnya, kunang pamahayunya, bawi cundang, bébék, 3, ayam, 7, elis, 1, mwah asu bang bungkem, mwah bawi cundang, wenang, ji, 888, mwah tadah bangkita, dén agenep, prantasan panglukat pada sregep, madudus wenangnya, nga // 0 // Ra, ka, lintang buta lawéyan, nga. Halanya duking laré, mwah jajaka, halanya, mayus tur bahat lima, mremangsa polahnya, ring pangan kinum, mangiyung manguntang-manganting, karepanya amandung amegal cemoh ujarnya tan jati, tan jenek ring de- …

7a. sanya, babotoh mangiyung, sahananing ujar mahayu, tan karungu, dénya, rentang pengkah pambekannya, linyok, kudu, recep, kelar manyambung wratha hala, ika marmaning kacarik patine, sinuduk selantang jalan, yan tan samangkana, di- wawune nengah tuwuh, irika halanya, kadéngklok salah laku, kasuleleg mamerot, satuwuk halanya, mwah das pejah ngawa perot, samangkana polahnya, nga, kunang pamahayunya, wenang linukat, banten malukat sakadi mungguh ring ngarep, mwah yéhnya, mwadah kumbang susun, 5, dima- …

7b. lukaté, ring dina, ra, ka, nanging muwuh bantenya malih, sareng banten munggwing ngarep, semalih panguwuh bantenya, bawi rinecah, ji, 555, bébék, 1, syap, 11, elis, 1, ca, asu bang bungkem, ebat, mwah baying-bayang, wangun uripang, karyaning tadah pabangkit, wenang pada sregep sami, nga // 0 // Ubadana candradi, watek Soma, wetuning wong, wehwehan Ida Bhatara Wisnu, nga, utara désanya, Bhatara Uma déwatanya, kakayonanya pulé, mamanukanya …

8a. jajangkung, mayanya candra, wawayanganya togog, uninya kanya mwah kedis sasatonya wresaba, butanya mahulu kuda, preresinya buta mawulu asti, moksala, tuwuhnya tuwuh siri. Ring Soma wetunya, ring bulu mwang ring socanya, gunanya, leda polahnya, irang rupanya, apasagi pangadeganya, bunter mukanya, tengal lambénya, irang romanya, lwir karnanya, atep untunya, amadhya rupanya, atungtung sengit marédanya, corah budinya, kurang ujar maredénya, tan tangguh pambekanya mangrencana, tututan nangguh maring ujarnya, kake- …

8b. cer ulad-alid, polahnya tan yukti, balébring polahnya, kasukanya mangrenga ortha, kelar tilar ring pagawéyan, agawé kunang lalakonya, tur teguh maring ujar rama ibunya, ujarnya lara satuwuk, tis praya pangangenannya, wak satya ring swami, polahnya kelar aturu, tur blubuh, polahnya, tur recap kelar brecolongan, manggah belog ujarnya tan ayukti, cemoh ujarnya tur brabasangan, kudu polahnya, kelar tan tuhu, tan lingu, komed tur baat lima, amekak akéhan polahnya, kakéhan ucap, …

9a. ibek ring pambekannya mangrencana, nging komed tur tan gelis subal, brerehanya manglalayan, aparak maya tan sayukti, wawu wuma wang sugih komed, agawé ngulanjar angungsi pangan kinum, mramang sapolahnya, tan kedep ing ujar kayukti, plalakonya adaganga lawé, mwah jajangan, kasukanya adanga bungkil, polahnya wedi ring ngabot, bwat tukaran polahnya, gawéne aneda prih koca, nging ya tan tuhu, harepé ganjah boncah, tan jenek ring désanya, tan kawupti ring raja drewyanya, plalakonya agelis polih, geng tresneng aswami, …

9b. tan apisan akrama, tur kelar dinalih hala, déning sasamanya, samangkana polah sang Soma, nga. Kunang lara wewéhanira, lara ring sirah, puruh, langu linyun buyan hati, sungleng sawat tinghalnya, lara ring karna, curek tuli, ancruk-ancruk kutuken, lara ring nétra melad pécéng, kutikan, mrismis pilaran, singgatan buta syap, mayonan, wudunan meganan, lara ring weteng embet bahig anginan, lara kwala walik tan dekah mawatuk seret makélkélan, lara mangluyu, malwang semutan, babyunan, lara ring awak, gatel pakablég-blég, bungsel, …

10a. semug beteg ngemuhmu, lara ring ngawa sasigar, lara ring tangan embal kawusan, lara ring wangkong kekah kibih, mwah pastanya lara, anyang-anyangan, kaangan beseh, seret simbaran, moro, lara ring suku rumpuh sangar, berung bongkang koréng, parang watunan, tumbuwan, barah busul, lédéh, lara ring bawu gontak ginjil, bengkut gondong, lara jampi kalingsih, lara tiwang mamantang, katu metu rah, mising rah, mwang nanah, lara pamalinan macek-macek, nunggek-nunggek, ngrangsek, tan embang lara satuwuk, sang Soma pasurupanya …

10b. tiba bwing toya, tunggal lara das pejah, lara tan embang manglebang paturunya, samangkana laranya sang Soma, nga. Kunang hana mahayunya, wenang linukat, teka ring dina pancawara wagé, marep lor, ring wawu, da, 4, ca, sarwa irang, sarwa wija, mwah babungkilan, sekar sarwa irang, mwang pangiringnya syap pinanggang, gédang hayu, yéh panglukaté, wenang ngidih ri sang ngayudelina, mwadah kumba susu, 4, cuci genep, guling bébék, sagi-sagi genep, hutangnya artha, 444, adyus mapatelas irang. Ma, Om timbu dipati ya nama swaha. Banten ma- …



Baca Juga

Beryadnya dengan Sharing

Tak akan Mengurangi Pengetahuan