31a. na polahnya, sang wraspati, mwang laranya, kunang pamahayunya, wenang linukat, ring di panca wara keliwon, marep ka geneya, wawu, da, 8, apan sang wre, maurip, da, 8, patine, da, 9, yéh panglukaté wenang ngidih ring sang ngamadwang, mwah yéh anakan, mwadah kumbha susu, 8, makatatakan kumbane, cubek anyar, medaging beras jinah, malekéh benang, 4, tukel, ika warna, 4, caru sarwa wija sukla, pangiringnya, syap, 8, pinanggang, gédang hayu suru hayu, suci dén asregep, maguling bébék, 1, mwang sagi-sagi genep, utang-utanganya, arta, 888, madyusanya, mapatlasan warna, 4, nga, …

31b. Ma: Om isore dipatya nama siwa ya dipatya nama swaha. Nga, iti recadananya, ring sor, nga. Mwah surat angganya, sang wrespati, nga. Sang, wraspati, ping, 8, panjadmanya, nga.

32a. Malih yan malukat, maka pamahayunya larané, mwang pamayunya carané, maka pamahayun pawintanganya, lwirnya banten matatab ngarepin sanggah kamulan, lwirnya sasayut kusuma gandawati, nasin sasayuté dadu, rakanya kadi sasayut, sampyan nagasari, sané atanding nasi beras lambur, mwadah dulang, rakanya genep, syap wangkas marecah, dadyang, 8, tebih, raris goring, wus magoréng, malih tuptupang duwur nasine, wangun uripang, mwah tulung urip, 8, besik, sampyan nagasari, duluranya pangulapan pangambéyan, suci genep, …

32b. guling bébék katututan nagasari, bantal galahan, byuaijas, tebu, 3, tugel, tatrag, panyéneng kampuh sapradeg, nga, pras tataban, sagenepa, bras, 8, catu, arta, 888, lawé satukel // 0 // Malih makahayuning pawintanganya, maka pamahayuni pawintangan, lwirnya, wre, u, wintang wadung tikal, hala kelar baribinan, sing gawénya agelis subal, tur ya isinan, nging kapan ya ete, kelar pinara k déning pandung, ika marmanya krengan kingkingan, apan ya sring kadustan, yan tan samangkana, pejah kari bajang kajarnya, malih …

33a. yan wus alaki arabi, klarnya kapegatan tresna, salah tunggal. Ka. Samangkana polahnya, Bawi, ji, 888, bébék, 3, syap, 9, elis, 1, pras, tingkah wenang linukat, malukat sekadi mungguh ring arep, wongé metu ring wraspati ika wenang malukat, yéh panglukaté mwadah kumbanya, sekadi ring arep, bantenya mawuwuh sami, sareng ring banten ne munggwing ring arep, (apan amuji stini idep kewala, tan karep kawungkulan pelakonya), pras, elis, tadah pabangkit dén agenep, wenang sregep sami, saprantasan malukat madudus sami, tekani praskaranya, nga, …

33b. Wre, pa, wintang salah ukur, nga, halanya tukar rantung sengit, rentang pengkuh, pambekanya, hala déning ujar, tan pegat wiring bwat iriyati, guna awaknya atrunin, akéh wong harep asatru maring ya, apan amuji stini idep kewala, tan harep kawungkulan plakonya, ujarnya tan ajerih tan pakeweh, nga. Pasurupanya pejah déning sanjata, ka. Mwah tan patut karepanya ring sanake twi, mwah ring rama ibuné, samangkana polahnya, kunang pamahayunya, wenang linukat, panglukaté munggwing harepan, né metu ring wre, mwah bantenya samangkana, sekadi mungguh ring harep, mwah kumbanya, yénya, …

34a. iki panguwuh bantené ringharep, lwirnya, bawi, ji, 999, wenang amanca warna, pada madanan, bébék, 3, syap, 9, ayam irang, 1, elis, pras, asu bang bungkem, 1, malukat marep kagenéya, wawu, da, 8, apan sang, wre, maurip, da, 8, patiné, da, 9, wenang saprantasan malukat, wenang sarwa genep, tadah pabangkité pané anyar, payuk anyar, nga // 0 // Wre, pwa, wintang bade, tingkahnya pangawak warna , nga, duknya laré mwang jajaka, hayu tan pakeweh, sarwa pangan, saparanya manggih laba, nga, yan wus malaki arabi, irika kéh laranya mwah ujar hala katemu, …

34b. tunggal lara das pejah, klenger laranya, tan meling ring ngawak, semalih yan waras pakolihanya gelis telas, gelis ya rawuh palanya, nging kéh putranya, ka. Malih pasurupanya pejah mati ngipi, samangkana pasurupanya, ka. Kunang pamahayunya, bawi, ji, 777, bébék, 3, syap, elis, 2, pras, tadah pabangkit dén agenep // o // Wre, pa, wintangnya kumba, nga, hayu wredah apuputra, tur sugih rendah, hayu tan pakeweh ring pangan kinum, sing gawénya isinan, gupuh ulahnya, tur dadi pawubading kadang mitre, manusa sih panggawa sih déwa asih, pitra asih, suka sugihbumi, …

35a. mwah mas pirak, ka. Diwusé aputra, irika kéh laranya teka, lara mawatuk dekah, tunggah, mwah lara kawusan, lara mangreres, pejah sasigir awaknya, mwah pejah sekatugel laranya, samangkana labanya, nga, kunang pamahayunya, bawi, ji, 444, bébék, 3, syap, 9, pras, elis, tadah pabangkit dén agenep, tingkah malukat, bantenya madudus pada wenang sregep, mwah carunya, nga // 0 // Wre, ka, wintang kaba, nga. Hayumageng tuwuhnya, sidi sandining ujar, tan pegat masamadi yoga brata, manusa sih, déwa asih, sang ratu asih, tan pegat dadi pawuban kadang mitrenya, asih maring wak kabéh, dana dreman ring sasanaknya, …

35b. suka sugih rendah, ring wekasan hala dahat, ka, apan pisuna makweh, punggawa mwah mantra iriyati, pasurupanya pejah krejek déning praratu, sraja druwénya kagurahin déning sang ratu, yan tan samangkana, rusaknya olih wong istri, ika marmanya rusak sekadangnya, ka. Samangkana palanya wekasan, kunang pamahayunya, bawi, ji, 888, bébék, 3, syap, 11, elis, 3, pras, tadah pabangkit dén asregep, tingkah banten malukat, madudus pada wenang sregep, nga // 0 // Mwah carunya // 0 // Udajalabragwéa, watek sukra wetuni wong, wewehan Ida Bhatara Sambu, aersanya désanya, …

36a. Bhatari Sri dewi déwatanya, kakayonya kayu ancak, mamanukannya titiran, mayanya toya, pwayanganya delem, uninya kanya, satonya buta maulu lembu, tuwuhnya tuwuh pijer, ring sukra wetunya, ring prana mwah ring lambe gunanya, telek budinya, mudah ujarnya, canggih buwat tukar polahnya cinging, apasagi pukel pawakanya, bunter prarainya, mwah karnanya, lwir hingan paripolahnya, mawelu nétranya, raring romanya, agung hangkara pambekanya, wisaya gunaning wong, plaksananya, andawa pangadeganya, lwir hingan paripolahnya, taleber, ingetur pantes pari- …

36b. polahnya tukara, tan sah kudu tur recap, kelar makakelidan, macacolongan gelah rowang, tur tan jenek ring pagawéyan, tur kelar linyok ring ujar, tan tuhu ri pambekanya, teguh ring ujar sasamanya, wangle jlidra ring sasanak mitranya, mwah ring rama ibunya, karepé gelis polih, ganjah onyah ring plalakonya, loba murka ri pangan kinum, tur crabaka prabasangan, bahatan lima, harepé wedi ring abot, tan tuhu maring ujarnya, tur leda plalakonya, pawretinya adadagang ngajajan, mwah sarwa wowohan, kasukanya adagang ngalayar, wawu satengah tuwuhnya, kasukanya teka, halanya ngawisaya gunaning wong, …

37a. ping tiga aputrapejah, pakaryanya watek angaji, prajnya waliwulat, mahala manah ring budinya, masewaka walik jahat, agama ahilir, tan apisan akrama, babotohaken, kakabonan ring wong tani, corah karepnya, atungtung sengi marédanya, yan duka mageng klar macacala, tan kedep ring pretitining wang utama, kakecer ulan alid polahnya, tur brawarahan linyok, sasananya ngemasin rowang, pasurupanya ngemasin ujar, ganas ganal ujar kayukti, tur klar mangwisésa gelah rowang, samangka polahnya sang sukra, nga. Kunang lara wewehan nira, lara ring sirah, puruh abeh, tur paling amukek hati, mwah lara ring nétra, mokan tumbuwan, …

37b. mayonan buta syap, siksik pespes singgatan, uleran kasyaken, wujunen, lara ring karma curek tuli, kabudéngan, subatahan, tukenan, lara ring bawu ginjel gondong, anginan, lara ring tangan awusan kibih, lara ring weteng mengkak, kadunungan kaku, kawaya, lara ring ngawak sasigar, lara ring wangkong kekah kibih kaku, lara ring pasta, tuju rasa roseret, kahangan, anyang-anyangan, beseh, lara ring cangkem, mwah ring cadik, sret uwing dekah, mawatuk makalkelan, belbelan, behenan, lupa luyu malwang, semutan …

38a. tiwang antu tuju, gatel bengel semug, ngemu-emu bangsel, beteg mangrumpuh, lara berung bongkang koréng parang, lara kingkingan déning pamali, mwah antu wuwédan, tuwekan, pasurupanya pejah klabu ring toya, samangkana laranya, sang sukra. Kunang pamahayunya, wenang linukat, ring dina panca wara wagé, marep kaersanya, wawu, da, 6, apan, sang, su, maurip, da, 6, patine, da, 7, yéh panglukaté wenang ngidih ring wong kdi, mwadah kumba susu, 6, mwah ca sarwa sukla, raka wowohan, sekar sulasih merik, gédang hayu suruh hayu, pangiringnya, syap, 6, pinanggang sami, …

38b. cuci dén agenep, maguling bébék, mwah sagi-sagi genep, utang-utanganya, harta, 666, lawé satukel, madyus mapatlesan dadu, nga. Ma, Ong sanghyang sri sambu dipatya nama swaha, nga. Malih bantenya, satingkah malukat sarwa genep, apan sang sukra hala dahat ring désanya, wawu dadi janma tumurun dawuh, ping, 1, hayu dadi watek, 6. Mawak sang bragwa, nga, iti maka recadananya, …

39a. apan sang sukra majanma, ping, 6, ya turun, samangkana pajanmanya sang sukra, nga, mwah recadananya ring soran, tekaning sastranya, nga, …

39b. Semalih yan tan malukat, maka pamahayu laranya mwah hala carané, mwah maka hala pawintanganya, nga, lwirnya, banten matatab ngarepin sanggah kamulan, sasayutnya dwi sekarnya, nga, nasi sasayuté, hnu beras adukin injin, raris matepengan renya, sami kadi sasayut, sampyan nagasari, masyap kelawu, mapukang-pukang, dadyang, 6, pukang, raris goring, wus magoréng malih tutupang duwur nasine, wangun uripang, duwur nasine, malih atanding, jajatu kasili, nga, tumpeng abungkul, …

40a. raka genep, benya taluh syap malblab, lalampadan muncuk dalungdung raridénya, wus maengseb, masambel isén tan pauyah, malih tatakan jajatu kasili, dulangé dagingin beras aceeng, adukin pipis urakan, kéh jinah, 25, kéténg, duluran rakanya, lenga wangi burat wangi, pisang payasan, sukla pawitra, kembang rampé, peras tataban, tatrag, panyéneng kampuh sapradeg, sasagi genep, beras, 6, catu, harta, 600, lawé satukel, nga // 0 // Iki malih pamahayuning pawintangan, nga, …

40b. mwah maka pamahayun riya, lwirnya, su, u, wintang banyak angerem, madya ika, ujarnya gangsar tur ganas, sapaparipolahnya kangelan, bwat tukaran, nga, plalakonya kelar kelingan, mwah kabiratan, gugan sasamanya, tur ya brehutangan, nga, sing gawénya, tuwi tan pasari, ka, semalih halanya dahat, kelar panjakang pisaga, adep kanca, matunggu, ngemasin hutang halanya, malih halanya kelar ayan, pasurupanya pejah selantang jalan, yan ya ngentah, samangkana halanya, mwah laranya, kunang pamahayunya, bawi, ji, 555, bébék, 3, syap, 11, pras elis, …