Watak dan Nasib dalam Lontar Udayati


71a. kenceng karnanya, pantes palyatnya ledap, mlenyad alisnya, semonya watek priyatinan, mudah sabdanya, kereng pambekanya tur purusa, sebet wiku plalakonya, goroh ring sanak mitrané, wigih cinging pambekanya, ganjah pelakonya, glayar-glayur pambekanya, lemes romanya, larang untunya, samangkana polahnya,malih hana maka halané mawetu, yannya gingsul untunya, panes rahat pawetunya, nga. Malih yanya kirang untunya, ika panes sinemburat, tur tan embang manemu kapriyatinan, tur tan tuna ngarepin satru, tur puwik, nga. Apan pengkuh pambekanya, …

71b.demenya manuju-nuju, tur candang pangan kinumnya, awor karepnya papantesanya kelar parak ring pisuna, pasurupanya pejah kelar ngemasin halan rowangnya, samangkana polah, ika ta kayatnakna, marmaning kayatnakna, apan ya wus kapinila, dén sang buta kala cengkala, ika marmaning laku linukat, dénira Sanghyang Tirta gamana, kunang lara wéhanira, lara édan-édanan, lara uyang, nyapnyap, paling swaranya, lara mawatuk makalkelan pirat, lara getahan, mlekah-mlekih, gumigil, kwaya, lara malwang banta, lara ring sirah, …

72a. puruh sungle limuh, lara ring nétra, ring karma, ring ngirung, ring bawu sreg, ngelayang-ngelayung marlupa, sawat tinghalnya, lara ring wangkong mwah ring pasta, lara ring suku rumpuh, sangar, lara empuk krapa koréng, gatel, krayapan berung bongkang, keskes karambit, lara beteg bangsel, anyang-anyangan, tuju rasa moro, lara kusta bulénan, malih kawuhan laranya, kena papasanganing wong edi, srananya galar wongé ika, wus kapaling satugel, panjangnya dwang cengkang, ika wus rinajah sang butha ludira wadon, ika wus kapendem ring embakan lawangnya, …

72a. ika sareng milara ya, ika marmané laku linukat, kinurungan ring natar, kéh toya padyusanya, 11, warna, pangembanya kumba susu, 9, isuh-isuh dén agenep, pinuja déning tirtha gamana, récadananya ring sor iki, nga // 0 // Pawetuné sang Warigadyan, watek, 18, uripnya, 13, sang Warigadyan maeles mahan kasiku, panguptiné sang buta kala ngadang, ring érsanya désanya, lawanganya metu ring nariti, déwatanya hyang resi, nga. Kakayonanya kayu pangi, pamanukanya atat, lintangnya lintang lurung agung, sasatonya …

73a. gajah, tatamananya sekar sudamala, pabanyonya telaga bulakan, iwaknya deleg, nga. Sang Warigadyan mahales juwet, mauni gandarwa, pasimpenanya ring ngarep tur mesi, pawubanya lumbung tur ring konci ngori, umbul-umbulé seliwah tur diori, tur dreman mawak campaka bang, lanang sang warigadyan, sedeng pangadegnya bengah warnanya, lumbang meros prarahinya, malang karnanya, lumkul rambutnya, manis pahulatnya, sedeng titahnya, ngandap kasor wulahnya, ring kadang mitrané, halus rarasnya, dabdab pangucapnya, pelakonya agonjakan, kasukanya ararasanya, watek ring …

73b. panta hayu, tur lagawa ring raja druwéné, ginugu déning sasamanya, samangkana tingkahnya, nga, malih hana maka hala wetunya, yan larang untunya, ika panes tan embang laranya, malih yanya ceda tanganya, ika hala dahat, hayu dahat pawetuné sang Warigadyan, maka hayunya pawetuné, kinasihan déning sang ratu, mwah brahmana, wésya satriya, sami pada sih ring wong ika, halanya kéh wong iri ring ya, tan embang ngarepin pisuna, kapisunayang olih wong istri, mwah sasananing wong iri, samangkana pawetuné sang Warigadyan, abot ada- …

74a. ngan, kelar cendek tuwuhnya, pasurupanya kelar ngemasin ujar, apan tan tuna kasamburan mreta hala, apan sang Warigadyan mawetu duk ketug linuh, apan ya mawak gagumuk watang, ika tan embang rusak polahnya, samangkana pawetunya, nga. Ika ta kayatnakna, marmaning kayatnakna, apan ya wus kapinilara, lara salah harep, apan awor karepnya, mwah kawuhan laranya, apan ya wus kapinilara dén sang bhuta kala ngadang, ika marmané laku linukat, ring Sanghyang Siwagni, nga, kunang lara weha nira, lara salah harep, …

74b. apan awor karepnya, mwah kawuhan laranya, rangsek kena moro, kongkangan, kahangan, pawuyuhanya lara, metu rah nanah, lara ring wangkong, lara pejen sebaha jampi, klisih lara ring sirah, ring nétra, ring hirung, ring cangkem, ring karma, missing mengkak mangembet, tiwang mamentang kaku kekah, lara ring weteng abuh busung, buyan hati seneb mangutah-utah, lara dekah mawatuk, macek-macek tunggah laranya, lara édan, mwang brung krapa, koréng parang rumpuh sangar, bangsel malwang, babyunan manguyang-ngayingan, paling, tur kawuhan laranya, kena papasangan désti ring paka- …

75a. ranganya, sa, bwah gédang renteng, wus rinajah muka durgha, mwah krang ngulunya cacad sagsag rangat, ika pada milara ya, marmaning linaku linukat, kinurungan ring natar, kéh toya padyusanira, 11, mwadah kumbha susu, 3, isuh-isuh dén asregep, kang pinuja déning Sanghyang Siwagni, nga // 0 // Pawetuné sang Julungwangi, wateknya, 14, uripnya, nging tan meduwé hurip, sang Julungwangi,mapalemahan karang lantang, terus kateben, purwa desan, lawanganya pacima, panguptiné sang kala mretanjala, kakayonanya suratri, pamanukanya kutila, …

75b. lintangnya lintang kukusan, sasatonya sarpa mandi, tatamananya sungéngé, pabanyonya tlaga harum, iwaknya kukutan, sang Julungwangi meles campaka wilis, mawuni sadpadha, pakumpulaning sarwa harum, déwanya Sanghyang Suputri kembar, mawak lemah lengis, lanang sang Julungwangi, lanjar pangadegnya wilis warnanya, lwir duren sakupak prarahinya, mekmek rambutnya, alit karnanya, manis ulatnya, sungsung kuyu polahnya, atap untunya, manis muda ujarnya, mangkéh-mangkéh polahnya, kawicaksana tur purusa, wateka twah ngagam sunya, sing pawrati- …

76a. yanga tan manggih suka laba, suka olih ngadol pikulan, mwang emas-emasan, tur makakobok ring jambangan murah, medaging toya, samangkana kasukanya, nga. Malih hana maka cacad pawetunya, apan mapawuban makancit, gedongnya kawuntit déning umbul-umbul kuning, ika ta kawruhakna, nga. Malih hala panes pawetunya, yan yaw us malaki rabi, irika rawuh panes pawetunya, malih yannya rawuh panes pawetunya, mangiyu manguntang-nganting, mamirat manglinyok ujar, mamandung mamegal, tan pangidep ring tutur kayukti, telas kadang mitranya, mwah rama ibunya, mwah nyamane pada ngawénang paplungguhan, …

76b. jengah wiring, ika tan tuna amanggih sengkala, samangkana juga, ika ta kayatnakna, marmané kayatnakna, apan ya wus kapinilara dén sang kala mretanjala, ika marmané laku linukat, dé nira Sanghyang Tirtha Baruna, kunang lara weha nira, lara édan, salah karep, lara tan pakedep tutur, mwah lara ring sirah, lara nétra mwah ring karma, lara ring cangkem, lara ring weteng, beteg embet, abuh busung kwaya, lara ring wangkong prana, lara seneb ngacucuh, ngelempuyéng langu linyun, lara krayapan geheng watuk, lara macek-macek, selo gatel, lara semutan babyunan, malwang lara ti- …

77a. las kusta,lara ring suku rumpuh, tumbu, samangkana laranya, malih laranya, kawuhan kena pamali, kapes kalingkuhan ring pagenahanya, kaduluran laranya, kurin umahnya cacad, ngangkulitan, lambing watonya padha len, ika sareng milara ya, nga, ika marmané laku linukat, kinurungan malukat ring tepining toya, pinaka dyusanira, 12, warna, embanya kumba susu, 7, isuh-isuh dén ajangkep, kang pinuja déning Siwa Baruna Agni, maka recadanya ring sor iki, nga // 0 // Pawetuné sang Julungsungsang, wateknya, 12, maurip, sang Sungsang mapalemahan tledu nginyah, pa- …

77b. nguptine sang kala lungsur, nga. Geneya désanya, lawanganya metu ring wayabya, déwanya Hyang Gana Komara, kakayonanya mendep, mamanukanya lak, lintangnya lintang salah ukur, sasatonya kuda gendis, tatamananya tunjung dadu, pabanyonya tlaga munyé, awaknya baboso, sang Sungsang meles tengah, mawuni prajurit, pisaga manahnya, gedong malumbar tur dihori, bawubanya umbul-umbul hijo pini, pawakanya mantri lanang sang Sungsang, gilik prarahinya, sega romanya, alit karnanya, lanjar pangadegnya, gancang tindakanya, mwah ujarnya, nuju-nuju dademenanya, glayar-gluyur polahnya, …

78a. wilis prarahinya, mudah ujarnya, cacekatan polahnya, wangle jlidre idepnya, brahitungan ring sasaman mitranya, nuju-nuju demenya, glayar-glayur polahnya, apan ya makakundha mega mendung, panes pawetunya, harepé demen ring wong agung, watekéng kang satmaka, lemah-lemah harepé twah manganten, cemoh kudu ulahnya, ika ta kayatnakna, étangan ring raja druwénya, pawretinya ararasan, tur dadi pawubaning kadang mitranya, samangkana polahnya, ika kayatnakna, marmaning kayatnakna, apan wus kapinilara déning sang kala lungsur, ika marmané laku linukat, laku linukat ring …

78a. Sanghyyang Siwa Gamana, kunang lara wéhanira, lara ring sirah nglempuyéng paling, lara ring karma curek tuli, lararing nétra curek tuli, ring cangkem, makokohan mangemokan, lararing bawu dekah mawatuk, lara panes tis manguwat laranya, lara lupa,malwang mare ring prana, lara ring weteng abuh kwaya, embet missing parus, lalengédan pejen, lara bantang kaku memantang kibih, lara ayankejeng-kejeng, tiwang hantu, tuju tuwekan rangsek, lara beteg bangsel, koréng parang berung kusta, lara keskes kores, lara édan ngamuk salah ton, lara ngereres, rumpuh sangar, …

79a. samangkana laranya, nga, lara kawuhan déning sasanginya dumun, sasanginya duké kéweh manakan, ika during katawuran kayang mangké, lara kawuhan déning pamesunya tagel siku, ika cacadnya, mwah korinya tatebokan, ika milu milara,, mwah hana wong adi ri ya, edinya olih wong istri, ika singid pandéstinya, sa, nya, yuyu merajah kala majaga satru, kapendem ring ambekan abyanya, nga, marmaning hana lara kejeng-kejeng, lara mamantang édan, samangkana laranya, ika marmanya laku linukat, kinurungan ring longan, kéh toya padyusira, 11, warna, kumba- …

79b. nya kumba susu, 6, isuh-isuhnya dén ajangkep, kang pinuja déning Hyang Siwa lingga gamana, iki recadananya sang Widyaka Sungsang, nga // 0 // Pawetuné sang Dungulan, wateknya, 12, urip, 5, sang Dungulan mapalemahan karang panes lebah ngelintung, panguptiné sang kala lowanda, daksina désanya, lawanganya metu ring utara, déwatanya Hyang Kamajaya, kakayonanya pule, mamanukanya kedawa, lintangnya lintang tangis, sasatonya tinggili, tatamananya tunjung bang, pabanyonya telaga crapcapan, iwaknya udang, sang Dungulan meles camara, mauni …

80a. grudha, papasimpenanya gedong kancing, pawubanya umbul-umbul pepet, jambanganya diharep, tur maumbul-umbul bang irang, pawakanya sang putrid, istri sang Dungulan, sedep pangadegnya, nyandat, lancab prarahinya, lancab untunya, lusuh rambutnya, bidug karnanya, manis pahulatnya, sungsung guyu ngédanin polahnya, sebet tur kawi ring ngucap, tur wicaksana, somah polahnya, dana wumung ring sasanak mitranya, dabdab pangus pangucapnya, lalemboran gelayar-geluyur polahnya, nga, hutangan ring raja drewenya, tur dadi bawuban wong kabéh, plakonya ngadol sarwa bungkil, …

80b. mwah umbi-umbiyan, samangkana polahnya, nga. Malih hana panes pawetunya, apan ya meles camara, panes tan embang lara pejen, tur das pejah, tur mulan tatangisan, ika tan tuna kapriyatinan déning lara, ika marmané tan harep ring sepi, parak ring rame kasukan idepnya, samangkana polahnya, tur tan embang kajunjung déningsasamanya, apan panglandapé ring harep, tur murah toya jambanganyqa, samangkana tingkahnya, ika kayatnakna, marmané kayatnakna, apan yaw us kapinilara, déning sang kala lowanda, ika marmané laku linukat, dé nira Sanghyang Landu gamana, nga. Kunang …




Beryadnya dengan Sharing

Tak akan Mengurangi Pengetahuan

Buku Terkait
Baca Juga