Watak dan Nasib dalam Lontar Udayati


Download Semua Konten PDF – 12 Bulan

Rp 100.000,00
Info Akun

Total: Rp100.000,00


Contoh PDF hasil dari download
Klik disini

  • Donasi untuk download semua konten yang ada di website ini ke versi PDF.
  • Hak akses download berlaku untuk 12 bulan.
  • Konten akan terus ada penambahan, dan anda bebas untuk download konten baru (selama akun aktif).
  • Pastikan menggunakan Email aktif untuk konfirmasi akun.
  • Pembayaran dengan Transfer Bank
  • Aktivasi akun mak. 1×24 jam setelah pembayaran.

51a. engengan magenta kawenang, samangkana patutnya sahananing masaksyang wetuné kabéh, mwah masakapan malaning pawetunya, mwang mala ukune kabéh, mwah bayakalanya, sané metu ring saniscara keliwon, kunang pamahayunya, bawi, ji, 888, bébék, 3, syap, 11, pras lis, 3, asu bang bungkem, 1, pras prarakih, dén agenep, panyéneng kampuh sapradeg, beras, 8, catu, harta, 1700, lawé satukel, tadah pabangkit dén asregep, saprantasan padha sregep, nga, // 0 // Iki pujaning bhatarané, nga, né mamuja ring sapta warane kabéh, maka pamalaning wong kabéh, …

51b. ika ta kawruhakna, pamalan laranya, muwah maka pamahayunya, malih yan wong metu ring, ra, pamalan ida bhatara Indra, nga. Polahnya wang lajlidra barungasan, pengkuh sigug polahnya, witih ring pangan kinum, brapayasan, kelar duka mageng, kunang lara wewéhanira, lara ring nétra, lara menggah-menggih paledlédanya, sawat tinghalnya, uyang nyapnyap laranya, kunang pam,ahayunya, wenang sakapang ring tegal malakang, mwah ring kamalan ngulap ngambenin, mwah ngangkid, malih sahananing bantenya, satingkahing masakapan, wenang sami dén asregep, nga // 0 // Ca, wetuning laré, pamalan Ida Bhatari Uma, nga. Polah kelar wedi ring ngabot, …

52a. bwat kelar aturu, ujarnya kelar tan tuhu, tur bracolongan, mramangsa polahnya, kelar baatan lima, nga, kunang lara wewéhanira, kelar putéhing hati, mengkah puguh, ngeremeng pandulunya sawat sabdanya embuh, lesu mar, ngelupa tangannya, mwah sukunya, malwang manyajah laranya, nga. Kunang pamahayunya, wenang angkid ring bantang matiyém, mwah lukat ring kamulan, ulap ambénin, mwah maka panyégjeg tuwuhnya, sahananing bantenya wenang pada sregep, nga // 0 // A, wetuning laré, pamalan Ida Bhatara Ludra, nga. Polahnya wanglé ring rama ibhunya, tan sereh, tur ya sih nging gendéng-gendéngan, ujarnya gangsar pati purugin, …

52b. gancang ring pagawéyanya, mramangsa polahnya, gelis duka mageng, nga. Kunang lara wéhanira, kelar wuyang nyapnyap, paling swaranya, mahocak bayunya kabéh, suwé ya ta nadah, tan paturu, nga. Wenang sakapang ring ngalas pabyanan, mwah ring tretepan, mwah angkid ka brahma, sahananing bantenya wenang pada sregep, nga. Bu, wetuning wong laré, wewehan Ida Bhatara Ramadéwa, nga, polahnya kenyih ring ujar, sing polahnya alon, gina sebat ringgawé, nging hana gelis subal, komed kurang ujar, pidik polahnya, nga, kunang lara wéhanira, kelar ring angganya lesu lempor, delep ba- …

53a. yunya kabéh, kurang nglayang-nglayung, sawat tingalnya, gatel krayapan tingalnya, malwang kasrapan laranya, wenang angkid katukad, mwang sakapang kapangawan, mwang ring bantang matiyém, eladang kadadari, empugin kakamulan, wenang lukat ring kamulan, mwah ring palungan malukat, bantenya wenang padha sregep, nga // 0 // Wre, wetuning won glaré, pamalan Bhatara Guru, nga, polah obah monyor, sada brungasan sabdanya, gina wiku polahnya, dana ring kadang mitranya, nyirang manahnya singid, apan utama ring ujar, kudunya singid, rucaknya singid, kunang lara wéhanira, ambekanya bayunya mangredek kabéh, dekah mawatuk ngangsur, …

53b. karnanya masriyong mawusan, tur patiranga-rengenin, mwah pamalinan rangsek, nga, kunang pamahayunya, wenang sakapang ring kamulan, ngulap ngambé, maka panyégjeg tuwuhnya, wenang lukat angkid kapasisin segarané, mwah sakapang ring tegal, bantenya wenang padha sregep // 0 // Su, wetuning laré, pamalan Ida Bhatari Sri, nga. Polahnya tukaran tan kasoran, banggi ujarnya unya wani, bracolongan, polahnya agelis polih, mremangsa polahnya, teguh maring ujar hala, gangsar sebet ring gawé, nging kelar tilar ring gawénya, nga. Kunang lara wéhanira, ajur kang bayunya kabéh, semutan maluwang, tiwang antu- …

54a. mutah missing, memantang kaku, bulen babyunan, gatel kerayapan, nga, kunang pamahayunya, wenang sakapang angkid katukad, sakapang ring palungan, sakapang ring pangawan, sakapang ngarepin badha, mwah sakapang ring balé pegat, bantenya wenang padha sregep, mwah ngangkid, banten tunggal, nga // 0 // Sa, wetuning laré, pamalan Ida Bhatari Durgha, nga, polahnya buwat atuturon, tur kenyih maring ujar, saparipolahnya guyul, hayu sabdanya, subal laranya kabéh alon, nga. Kunang lara wéhanira, uyang nyapnyap, karnanya mangiyong, tur pati rengen-rengenin, yéh panonya pacrokcok, pasamburat, …

54b. socanya leplep, mamenyuh, nga, samangkana laranya, matengah-tengahan bayun, wenang tebusin ring kamulan, ngulap ambenin ring pajemurang, wenang sakapang ring pasisin pasih, muwah angkid ka brahma, sakapang ka tegal panangsaran, mwah sakapang ring pamesuwan, tibakna panyégjeg tuwuhnya, samangkana pamatutnya, nga. Sahananing pamalan bhatarané, pamuja ring sapta warané, wongé metu ring sapta warané kabéh, nga. Wenang anggén pasakapanya siki-siki dumun, apan ika pamalan bhatarané, dadi lara wekasanya, laréné metu ring sapta warané kabéh, samangkana pawetun laréné ring sapta wara, nga, telas. …

55a. Iki Pawatekaning uku kabéh, maka pamahayuning pawetuning wong kabéh, ika dadi pawatekan, nga. Engetakna warnanya, mwah polahnya, sabdanya, mwah pelalabanya metu, mwah tekaning laranya kabéh, mwah ring pasurupanya pejah, ika ta kawruhakna, nga // 0 // Pawetuné sang Sinta, wateknya, urip, 5, sang Sinta malehan dundu lwang, panguptiné sang panca mahabuta, purwa désanya, lawanganya metu ring pancima, déwanya Hyang Indra, kakayonanya kayu putih, mamanukanya bango, wintangnya wintang kukus, sasatonya kidang, tamananya kembang sungéngé, pabanyonya telaga bulakan, iwaknya sranin, sang sinta …

55b. meles tuwi, uninya kedis, kéh wong ngasih, pasimpenanya gedong petak, tur kinonci pawubanya lumbung sunya, nga. Sang Sinta duking laré mwah jajaka, mwah alaki rabi, hayu wetuné sang Sinta, sing pinujinya mawunggah mawulyan, malih ri wusé aputra nengah tuwuh, irika hala dahat, anak putunya pada tan sereh, irika sang Sinta maharang-herang, tan pegat sedih kingking, mwah tan embang lara, nga, apan sang Sinta wawu metu lumbung ron busung, sing pinuji madoh, hayunya duking anom, wawu satengah tuwuhnya, surud kasukanya, unter prarahinya, mwah karnanya, sada larang alisnya, …

56a. ika marmaning sang Sinta, tan sah salah karepnya, istri sang Sinta, bangbang pawakanya, sepah pangadegnya, sada mol pawakanya, bunter prarahinya, mwah karnanya, sada larang alisnya, lemes romanya, atep untunya, apatuk lambénya, sédéng pawulatnya, dabdab pelalakonya, somah ring kadang mitranya, madya polahnya, kasukanya mamesmesan, mwah ngadol pikulan, goroh ring raja druwénya, ginugu ring papadanya, kéh wong ngasih, nga. Malih halane sang Sinta, hala salah karepnya, glayar-glayur nuju-nuju sukanya, ika marmané kéh ujar hala, ika ta kayatnakna, mar- …

56b. maning kayatnakna, apan sang Sinta wus ta kapinilara, dén sang panca mahabuta, ika marmaning sang Sinta, milaku linukat, ring Hyang Surya gamana, kunang lara wéhanira, sang Sinta lara sedih kingking, apan salah karepnya sang Sinta, pinilara, lara ring sirah, puruh nyapnyap, lara ring tinghal pecéh medmédan singgatan, lara ring karma curek tuli, lara ring ngirung ring cangkem, empuk ring sreh, mokan laranya, lara ring bawu borok, ginjel, mala, dekah, mawatuk, mah pamalinan tunggah, uwékan polo laranya, lara ring weteng abuh, busung, kwagumigil, …

57a. mwah pejen, jampi lara ring wangkong, mwah prana, lara katepuk, cegah, embet anginan, lara kuru nglayang-nglayung, lara tiwang bantang maluwang, ayan, udan salah ton laranya, mangreres tuju bangsel, lara ring kulit, empuk rambit gatel, parang berung laranya, lara kena awus mati sasigar, rumpuh iyus laranya, nga. Samangkana laranya, sang Sinta, nga. Kawuhan laranya déning pakaranganya panes, pejah kewong pejah kacarik dumun, puniki during kena cinaronan, marmané panes, mwah hana balé pacaronya cacad, hana pepahatan during bedah, ika cacadnya, nga. …

57b. mwah hana pepasangan tengahing natarnya, srananya kepeyan lu, tur rinajah kala sungsang, tinalenan lawé tridatu, kapendem ring natarnya, ika marmané sang Sinta laku linukat, kinurungan, ring tengah natarnya, kwéhing toya padyusanira, 9, warna, isuh-isuh dén ajangkep, pangembanya kumba susu, 5, kapinuja déning Hyang Surya gamana, malih wus linukat, tega mangidu ring geni murub, nga , // 0 // Pawetuné sang Landep, watek, 12, uripnya, 5, sang Landep mapalemahan gunulwang, nga, panguptiné sang kala Bharuna, geneya désanya, lawanganya …

58a. metu kawayabya, déwatanya Bhatara Guru, kakayonanya angsana, mamanukanya dara, sasatonya rasé, tatamananya kembang galu7h, babanyonya telaga saputra, iwaknya nyalyan, yuyu, nga, sang Landep melekalikukun, mawuni asu, lalintangnya lintang kartika, pasesimpenya gedong mineb, pawubanya umbul-umbul gadang, kakudungnya mega, madya pawetuné sang Landep, istri sang Landep, nyandat warnanya, lanjar pangadegnya, apis pawakanya, lancub prarahinya, sade bengah romanya empeg, sada jongnjong karnanya, tipis lambénya, janjang untunya, …

58b. kereng tinghalnya, lenyoh sabdanya, gencang plakwanya, sada wingit pasemonya, nging tukaran, demenya manuju-nuju, kudu wulahnya, pelalakonya kelar tan tuhu, kasukanya ngadol sarwa woh, tan jenek manahnya kawi, wicaksana pangucapnya, sang Landep mawak sarwa sekar, duknya anom mwang jajaka, hayu saparipolahnya, siwa mreti ya ngamanggih palabayan, nga. Semalih ri wusé alaki marabi, irika tan embang kasatan, mwah tan embang malara, keliputan déning ujar mahala, kelar kedalih wisaya ngametening wong, irika sangLandep lara sedih kingking, ika tan kayatnakna, apan …

59a. sang Landep, wus kapinilara déna kala baruna, ika marmané sang Landep, milaku linukat dé Hyang Durgha gamana, nga, kunang lara wéhanira, sang Landep lara sedih kingking déning ujar hala, lara purus, dekah mawatuk, begah embet, lara ring sirah kabéh, lara ring weteng abuh kwaya busung, buyan hati, mengkak nyéneb, lara hantu tiwang ngereres,lara selo rangsek, lara malwang babyunan, lara beteg bangsel, lara ring prana beseh ngerasa, kahangan, anyang-anyangan, seret laranya, lara ayan, budéng édan, lara koréng parang, krambit kusta, lara lesu, …

59b. lempor, nglayang-nglayung, berung bongkeng, rumpuh ubug kacicingan laranya, nga. Samangkana laranya sang Landep, kawungan laranya, déning pamali pekaranganya panes, pecak hana lesung bedah, ring pekaranganya, suwé wus linurugan, dadi pamali tawun, nga. Kawuhan laranya déning pulunya renget, pamageranya seleng seluk, during kadabdabang, mwah bangbang suwé ring pekaranganya, during cinaronan, ika sareng banget milara, sang Landep, pasurupanya pejah, angundur ring jurang, salah pati, samangkana pasurupanya pejah, ika marmaning sang Landep, milaku linukat, kinurungan …

60a. ring pinggiring jurang, kéh toyanya padyusanya, 12, warna, isuh-isuh dén asangkep, kumbanya kumba susu, 8, kapinuji déning Hyang Durgha gamana, wus malukat nginep di pisagane alemeng, ping kutus majanma sang Landep, nga // 0 // Pawetuné sang Ukir, watek, 17, urip, sang Ukir, mapalemahan gunung kembar tur jimbar, nga, panguptiné sang bhuta dunya, daksina désanya, lawanganya metu ring utara, déwatanya Bhatara Hyang Sakre, mwah Hyang Cilimurti, nga, kakayonanya waringin agung, mamanukanya miminyar, mwang sata wana, sasatonya puh sanganten, tatamananya …

60b. campaka wilis, harum déning gandane, mwah pupusing sanda wanéh, babanyonya telaga wéra, iwaknya banding, nga, sang Ukir, meles gaga sari, mauni galuh, hayu pawetuné sang Ukir, kabwat déning sarwa harum, mwah kukusing sandat wanéh, rumambeha jimbar déning gamane, tur katon sanakten, lewih déning lan hayu kéh, nga, sang Ukir mapasimpenanya gedong kinoncing, tur maring arsa, pawubaning lumbung wirya maring wori, tur mawumbul-umbul irang, kinemitan déning asu bang, nga, sang Ukir, mapasamwan lumbung kembar, sahanggoné katona amura jimbar, samangkana pawetuné sang Ukir, mawaknya ke- …



Baca Juga

Beryadnya dengan Sharing

Tak akan Mengurangi Pengetahuan