Tutur Kuranta Bolong
1b. Nihan tatwani tutur kuranta bolong, wênang ingangge de sang mataki taki, wruh ring kapralinan utama. Sakwehing tutur kongkur, iki sari sari, sinusun sari, wruh sira hêning, utama mênêng, tanana-wasa karma nira, suksma waya, sakala lawan niskala, karma nira waya, tanana kêlirnya, mawas ring jêro, hati liring mawas karma nira suksma, ida Sang Hyang Sarining Kuranta Bolong, têrus sakalaras, larasing utama ring raga, norana kweh kang winilang, -/-
2a. rasa nira suksma, kewala Sang Hyang Tri Mandala juga kawruhakna, duk maring bhuwana alit, marganya, pasuk wêtunya, rupa têkeng haranya, den mawas juga, haywa samar-samar, netra tiga den kumawasa, hati mwang caksu karo, mangkana karma nira, sang wruh ring sarining Sang Hyang Kuranta Bolong, apan sakwehi tutur utama, sami manunggal saraning Kuranta Bolong, nora-na kweh winilang, kewala Sang Hyang Tiga Jnana, sukla dewek, den mawasakna ring raga, apan-ika amêpêking bhuwana alit, bhuwana agung, saka wuwus wuwus, salwiring tiga mandala, ring bhuwana a -/-
2b. lit ring bhuwana agung, Sang Hyang Sarining Kurantabolong, malingga ida, ika makweh, ika kakidik, ika puyung, ika saisi, mulaning dadi, tiga mulaning manusa, tiga mulaning utama, pasurup pêtining Sang Hyang Tiga, dadi rwa ameddha, pasurup pêtining rwa bineddha, dadi tunggal, mawak licin, rumaga Sang Hyang Kuranta Bolong, sarining sunya nirbana, kayeki krama nira wwaya, yaning tuhu ring Ong-kara, arddha candra, windhu, naddha. Siwa, Sadasiwa, Paramasiwa, yan ring raga, bayu, ṡabdha, idhêp. Utpti, stiti, praline. Ika pasimpangan-ira, Sang Hyang Sarining Kuranta-/-
3a. Bolong, tuwinya, hyang bapa, hyang ibu, mwah raganta, dewanya, Hyang Brahma, Hyang Wisnu, Hyang ng-Iswara. Hyang bapa magênah ring têlênging hati, rupa nira abang, swaranya, Ang, rumaksa kawah, kilêngöng rat bhuwana, nga, ring idhêp pasuk wêtunya, anunggag sarining manik, sunya loka desanya. Hyang ibu magênah ring têlênging hati, rupa nira hirêng, swaranya, Ung, rumaksa swarga, nirangkus ratna kusuma, ngaranya, ring hati ya pasuk wêtunya, Bhuh loka swarganya. Ragane magênah ring gagadinging papusuh, rupa nira kwanta, swaranya, Mang, anindha kawah mwang swargga, anadi turu mwang atangi, pati,-/-
3b. urip, ri tutur mengêt ngaranya, jati nira, Sang Hyang Kuranta Bolong, ring sarining gandha, pasuk wêtunya, rupa kadi damar tan pa-kukus, kadi sada-rak latri, mahaloka desanya, ika lêwihing mauttama ring raga ramane tan pa-yayah ibu, anggawe tan ginawe, mari sinusune sari, sarining Kuranta Bolong, masarira ika, bayu idhêp, dadi sabdha, gandha tan pa-maya ika, sakwehning tutur kamoksan, ika panunggalanya uttama, apan winada licin ika, sah Siwa ika, ika juga denta mawas harane, rupane, sabdane, desane, pasuk wêtune, ha-/-
4a. ywa kurup, swargga sira, suka tan ambalik ika, licin suksma, yan katêkaning sarira, sakeng sakala, mulih ring niskala, latrinya, hana sabda mantara, dinumên-awa ya, sabda-ke kayeki, ih sira wija, sira numuliha, ring bhumi dangu, andhika nira Hyang Karana, mangkana sabdhanya, sang masabdha ika, sanak crikan, maka ngaran Ki Sêkar Talun, tain langlang, ulikana sira ingidhêpana, Sang Hyang Sarining Murubning Ajnana, hyang bapa, hyang ibu, ragane, haywa kurup, bin tigang sasih sira pêjah. Yan rasa panas kang wrêdaya, nyanan sira pêjah,-/-
4b. yan mangkana, idhêpakna, ikang bayu kiwa, mulih hana ring nyali, bayu têngên, mulih ring hati. Bayu kabeh, mulih ring papusuh, idhêpakna atibeng nyali, dadi kukus. Kukus ika mulih ring pantaraning pupusuh, dadi atma, atma ika, sarira, idhêpakna margganing mati, ring windhu sêlaning naddha, ika tuutakna, margganing mulih, margga humung, si hana ring catur loka dibya, margganya mantara, trus patala, margga nira kesah ring dewek kita, lêwihing uttama, mangêdohing kawah, kukusnya tan hana marêki, ika tuhutakna, margga nu-/-
5a. mungsya ring Siwa loka, nyata wênang desa nira uttama, yan suddhaning mangkana, sah-alane sira ring sakala, têkaning patinya, sami nemu hayu, apan sira wruh mulaning ala ayu ring sarira, marmmaning tiga, ronganing hyang dewa kamulan, ping sawêlas sira anyajma, anêmu hayu, swargga pitaranya, suka tan amanggih duhka, katêkaning dakinya, anêmu hayu supat, harang wong wihikana, rong laksa sawiji lamunan wruh, apan piningitakên dening Hyang Widdhi, ida Sang Hyang Guru Reka, ring sariraning naddha hêning, mangkana karma nira,-/-
5b. sarining Kuranta Bolong. Anghing haywa wera, awini têmwang sira, kapapan tan supat, huri-huripanya, wigraha ngêsam. Yan tan wera, tasak denya ngrêgêp, sawêlas panjadma nêmu swargga pitaranya, andadi sang ratu tanpa satru, dibya karma nira sang ngangge iki, mangan-asêgêh marêp wetan, Uttara pada wenang, kulon, daksina, pada wênang. Hanayuban toya, pêtang lêdang, ne apisan-apisan, haywa amangana pupusuh salwirnya, yan kumawruha, yan tan wruha kwasa. Mwah karma nira Sang Hyang Kuranta Bolong, yan haturana bakti, ring-/-
6a. dewa pitra puja, idhêpakna hyang bapa, bungkahing sêmbah. Hyang ibu madyaning sêmbah, ragane tungtunging sêmbah. Ne manyêmbah manusa nira, ne kasêmbah kang pinaksan, idhêpakna Sang Hyang Siwagni. Sêlat dwa dasagula dohnya, saking tuunging puspa, Ang Ung Mang, Ang Ah, pranatha suksma ya namah, têlas//o// Iki uttamaning sêmbah//o// madyaning sêmbah, kayeki, ma, Ung Mang Ang, pranatha siddhi, suddha ya namah. Nistaning sêmbah kayeki, ma, Ong Ang Mang Ung Ong, pranatha sidham, Ung Ah Ang. Tingkahing anêmbah, puspa kwangen puyung, trap ta di saba//o// Ya-/-
6b. n bhakti ring dewa, ring wunwunan sayogya nira. Yang ring manusa, ring tungtunging graa, yan ring bhuta kala, ring hasta mainghanya, mangkana kramanya bakti, nista madya uttama, mwah kramanya sang-amusana, margining Hyang Kuranta Bolong, iki papêningan, haywa angambêkakên sa-reh, Sang Hyang Dharma juga tular tularang, istinên manusa nira, uttama ring sarira. Yan-anakire aturu, ma, I bhatara haru hara, bandhanên haji roro, roro dadi sawiji, poma, 3. Yan atangi, ma, pukulun Sang Hyang Kumuddha Krêsna mêkar, lila paripurna ya namah, Ang Ah, têlas//-/-
7a. //o// puput sinurat ring rahina, Co, U, wara Sungsang, titi, tang, ping, 12, sasih, 5, isaka, 1920. Olih Ki Bhumi Ghora Agraja, banjar Mantring, Petak Kaja//o// Ong Santi, Santi, Santi//o//
