Watak dan Nasib dalam Lontar Udayati


101a. marmané panes tis pawetunya, lanang sang Médangkungan, pawakanya sang kala angon, gangsuh nyandat pawulunya, lanjar prarahinya, lancub untunya, tengal lambénya, renteb alisnya, keras ulatnya, akas romanya, jenar karnanya, tenget pasemonya, mahala sabdanya, keras cekatan solahnya, wateka amuji sarwa lewih, brehidiyan, brahitungan polahnya kayukti, kéh wong irihati, tur nyandang pangané, utangan ring druwénya, pamujiné sarwa jimbar karepnya, tur dadi pawubaning kadang mi- …

101b. tranya, pasimpenanya gedong bek, lumbung simpen, pawubanya umbul-umbul jingga, tur di ori, tur kinemitan asu wadon, belang kalikukun, ika marmané kasukanya matemahan, nga. Malih diwusé apuputra, ika kasukanya teka, gemuh landuh ebeking raja druwé, tur kinasihan ring wong agung, anging hana maka sedih idepnya, kéhan putranya istri, tan maputra lanang, ika panes idepé, apan ya makakudung, maruta baret linus gunanya, pelalakonya ngadol sarwa mulé, ika kasukanya, herangan hantu tan pasentana …

102a. lanang, nga. Samangkana polahnya mwah polanya, ika kayatnakna, marmaning kayatnakna, apan ya wus kapinilara, déning sang buta mandel, ika marmané laku linukat, ring Hyang Siwagni, kunang lara weha nira lara puruh, behenan, gumigil, kwaya metu rah samanangkana, pejen parus, lara kaku mamantang tiwang, lara ring nétra, ring hirung, ring karna, mokan, lara barah kusta, empuk kurap, koréng parang, berung keskes, lara bangsel kuliran, moro ginjel, lara mala busung, beseh rasa, lara lempor jwitanya …

102b. lara, ati wala, lara dekah mawatuk seret, rangsek macek-macek mawuyang-ayingan paling, mangreres tuju, lara embet bahig, lara boros salah laksa kasulaleg, rumpuh lara kena awus, édan paling laranya, nga, malih laranya kawuhan, kena papasangan ring harepan badanya, srananya tulang tenggeking asu, madaging poporosan sulasih, prenah mantunya edhi, olih mademen-demenan memantu, mwah pakaranganya medaging bangbang, sowe during sinaronan, sareng mamigena, ika marmané laku li- …

103a. nukat, kinurungan ring tengahing badha, kéh toya pinaka dyusira, 12, warna, maka pangembanya kumba susu, 6, isuh-isuh dén agenep, kang pinuja déning Hyang Siwagni, recadananya ring sor, nga // 0 // Pawetuné sang Matal, wateknya, 8, urip, 5, palemahan karang muntab, panguptiné sang kala metri, pancima désanya, lawangannya metu ring purwa, déwatanya Hyang Catur Putri, kakayonanya kaliasem, mamanukanya sata wana, lintangnya lintang kama, sasatonya kidang, tatamananya kembang jenar, paba- …

103b. nyonya telaga mirah, iwaknya dadeleg, ika sang Matal pulunya makakobok kré mirah, yan ya coda ring sukunya, ika panes pawetuné, tan embang ingarepin satru, déning puja mahala,tur kedalih wisaya ngamatenin wong, ika marmané tan pegat kapriyatinan, déning ujar mahala, tur kelar tunayan laré hurip, tur tan tuna ngarepin puwik, mwah pisuna, apan sang Matal males naga sari, mawuni mantra mayudha, ika marmané panes pawetunya, malih yan tan codha sukunya, dadi madya pawetunya, pawubanya …

104a. gedong simpen, tur mawumbul-umbul kuning maring ngarep, kinemit déning asu bang bungkem, tur kuning, semalih diwusé awuwuh wredha, pasimpenan lumbung rusak tur ligir, ika rumawak pradha, rumawakning sekar, duking nedeng ya rumawak manggis, suka dunya, tur kinasihan déning wong akéh, kajunjung déning wargane, semalih diwusé atuwuh wredha, irika temu lara wiring, sing pinuji madoh, irika surud kasukanya, irika tan sah anemu pepanggalan, tur sedih kingking, wateka nora sugih, irika rusak polahnya, lanang sang Matal, rumawak pandawa, putih bengah …

104b. warnanya, gilik pawakanya, sedeng pangadegnya, tirus kajagut prarainya, alit karnanya, abuluh sada bengah romanya, nipis lambénya, lancub untunya, manis pantes pangucapnya, someh polahnya, goroh ring raja druwénya, asih maring laré, dabdab pelakonya, wigih karepnya, cekatan, kelar ngolekang lega, kasukanya ngadol wastra, mwah sekar, mwah adagang sandang, ika kasukanya, nging boncah karepanya, kasukanya muja mantra, hanap kacoran, ulah setata, pasurupanya kelar olih pisuna, samangkana …

105a. polahnya, ika ta kayatnakna, marmaning kayatnakna, apan ya wus kapinilara déning sang kala metri, ika marmané linaku linukat déning hyang margha gamana, kunang lara weha nira, lara paling malingser, mwang édan, lara ring awak kabéh kadi wulig, abeh manulang semutan pakeduh, lara puruh manglempuyéng, lara ring nétra, matrebes singgatan mismis, pelud pécéng kutikan, lamur, lara kuping curek, lara bedeg cambeng, lara ring bawu mala borok, kilasan kusta, krakiskis koréng krapa, lara ring gigir, ring cangkem wowing seret, abuh busung …

105b. kwaya gumigil, lara ring wangkong prana rasa moro, kahangan seret basur, lara tiwang bantang mokan, lara mising pejen, jampi kalingsih dekah mawatuk seret swaranya, mwah lara kena upas, ngereres tuju, lara gatel krayapan, kwambit laranya, lara beteg bangsel, lara pamalinan macek-macek manunggék, lara ring suku, berung sangar rumpuh, tajeg tajus laranya, apan rusak polahnya, samangkana laranya, nga, kawuhan laranya déning pitaranya, apan tan ya melaku inentasan, apan during kentas, mwah kawuhan pamesunya kapitan lumbungnya …

106a. tur kena papasangan ring marghanya, ring sawah, srananya, umbinya sente, rinajah naga lilit, tunggal sasamanya edi, saking carané tan becik, ika pada sareng milara, marmané laku linukat, kinurungan ring margha, ring sawah, kéh toya padyusira, 12, warna, isuh-isuh dén agenep, pangembanya kumba susu, 5, kang pinuja déning Hyang Siwa margha gamana, nga // 0 // Pawetuné sang Uyé, wateknya, 8, urip, 6, palemahan karang rupit, panguptiné sang kala bwaya, wayabya désanya, lawanganya metu ring genéya, déwatanya Bha- …

106b. tara Siwa resi, kakayonanya naga sari, merak mamanukanya, lintangnya lintang wayang, sasatonya rasé, tatamananya kembang ketaki, pabanyonya telaga banyu, iwaknya yuyu bintang, malih yan ya twara codha, madya pawetuné sang Uyé, dadi panes tis pawetuné apan yap awaking ron busung, suka bungahnya ring ngarep, duknya laré mwah jajaka, wusé alaki arabi, irika kasukanya mebet, tur tan pakéweh ring raja druwénya, mwah ring pangan kinumnya, padha makwéh, sing kapuji sami manggih hayu, ika mar- …

107a. marmané kajunjung déning warghane, kéh wong ngasih, pelakonya nyudagarin, mah nyanda, tur rendah makrambeyan, semalih ring wusé apuputra, mwah macucu, ika surud gunan awaknya, lungsur sukanya, marmaning samangkana, apan sanaknya, mwah mantunya, mwah putunya, ika padha tan sareh, sami padha anibanin ujar mahala, ika sedih kingking ring awaknya, harepnya angugsi pejah, karepnya manyélempungang awak maring banyu, mwah ring parung, tur mangiyu nguntang-nganting, mamandung mamirat, apan ya mamrih pejah, ika tan embang kapriyatin, apan ya ma-…

107b. wak ron busung, suka dunya dénya katemu ring ngarep, samangkana hala hayunya, istri sang Uyé, mawak sasri, bengah warnanya, tirus kajagut prarahinya, malang karnanya, lemes romanya sadha bengah, lancip alisnya, balut ulat-ulatnya, memes manis sabdanya, depdep pasemonya, pantes sapolahnya, dabdab pelakonya, ampis pawakanya, lanjar pangadegnya, menak polahnya ngédanin, wateké kalila rana, harum déning kukusing sabda wanéh, tan embang tyas polahnya, tan kanakokih karepnya, demenya manuju-nuju, kéh wong piranti …

108a. samangkana polahnya, ika kayatnakna, marmané kayatnakna, apan ya wus kapinilara, déning sang kala bwaya, ika marmané laku linukat, déning hyang tirtha gamana, kunang lara weha nira, lara ngreres kawusan, missing mutah, lara manglinyun buyan hati, lara weteng abuh busung kwaya gumigil, lara lesu lempor, jangkel kibih pejah sasigar, lara ring ngulu puruh mokan, lara nétra kutikan, pécéng pelud lamur, mayénan, lara ring karma tuli curek, lara ring ngirung, cambeng ngempet hati, lara ring cangkem siksikan seret uwing, lara ring cadik gulu mala ginjel borok, …

108b. lara bilang sandi mamacek-macek, dekah mawatuk, lara tiwang bantang, bangsel beteg, malwang semutan, babyunan laranya, lara wangkong pasta seret rasa moro, lara ring suku rumpuh empuk koréng, parang krapaberung koréng, bongkeng, lara waninan, samangkana laranya, nga, malih kawuhan laranya, déning wirng, lara déning pitaranya, sami laku ingentas déning siwanya, ika sareng milara ya, mwang pekaranganya panes, pecak pagenahan sanggah, ika kagenahin balé paturon, ika panes rahat, marmaning olih kedalih wisa- …

109a. ya anengenin wong, ika marmaning linukat kinurungan ring natarnya, kéh toya maka dyusira, 11, warna, embanya kumba susu, 8, isuh-isuh dén agenep, kang pinuja déning hyang tirta gamana, recadananya ring sor, nga // 0 // Pawetuné sang Menahil, wateknya, 12, urip, 5, palemahan karang benyah, tur panes, panguptiné sang kala moro, utara désanya, lawanganya metu ring daksina, déwatanya hyang Siwa gotri-Siwa gotri, kakayonanya angsoka, mamanukanya curik, lintangnya lintang kelapa sinde, satotonya naga, …

109b. tatamananya kembang sudamala, pabanyonya telaga segara, iwaknya manca, sang Menahil meles randu, mawuni buta kala, hala hayu pawetunya, tenget ya ring kaya akéh, ya watek asri ring ramé, watek kelilahin dunya, pasimpenanya gedong malumbar, tur ring harep, pawubanya umbul-umbul diharep diori, angada paharane wong ika, tur katon sanakten, lanang sang Menahil mawaknya sang wanara, gilik pawakanya bengah, lanjar pangadegnya jangjang, sada cemul prarahinya, sukul rambutnya, kenceng karnanya, ngroning mimbanya, muncrat tinghalnya keras, …

110a. sada bujuh cangkemnya, jangjang untunya, keras palakunya, dabdab tingkahnya, sada mel sabdanya, tur ngangsuh-angsuh, keras pambekannya tukaran, brehitungan bracacadan polah iri, demen manuju-nuju, wateka kelar ngolekang lega, tan sareh polahnya ring rama ibunya, mwah ring sanak mitranya, gede laranya, keras titahnya, brahitngan ring raja druwénya, kedik sawitranya, polahnya agelis polih, kudu ring gelah rowang, hitungan ring duwénya, sapelakonya kelar tantu, lwih detya caranya nging ring sasanaknya, pelakonya demen mameta kasukanya, karepé nga- …

110b. wisésa guna, amuji mantra sakti kasukanya, pasurupanya pejah déning sangjata, samangkana polahnya, ika ta kayatnakna, marmané kayatnakna, apan wus kapinilara dén sang kala moro, ika marmané milaku linukat déning Hyang Siwa gamana, kunang lara wehanya, lara ngawag-awag, édan kasrapan laranya, lara ngilut ring weteng, missing pejen, mengkak buyan hati seneb, lara leplep tiwang kena awus, siksikanya abuh bedasa, lara abuh busung, kwaya gumigil, lara krayapan empuk pacablégblég, lara embet anginan, lara prana, lara ring …

111a. sirah, lara nétra, ring karma ring cangkem, ring cadik, mokan seret uwing, lara ring bawu, ring gigir, ring gulu, lara dekah mawatuk, pamalinan macek-macek, lararing suku berung bongkeng, lara parang empuk kwambit, lara beteg bangsel, rumpuh, samangkana laranya, nga, malih kawuhan laranya, kena papasangan désti, olihnya cinging kudu, srananya wong ngehedi, yuyu sinujénan déning ip, tinalenan lawé irang, ring marghanya kapendem, ika marmané laku linukat kinurungan, ring marghane lungha mantuk, kéh toya maka dyusi- …

111b. ra, 12, warna, isuh-isuh dén ajangkep, embank kumba susu, 9, kang pinuja Hyang Siwa Gamana recadananya ring sor, nga // 0 // Pawetuné sang Prangbakat, waknya, 22, urip, 8, palemahannya prabhu kempel karangnya, panguptiné sang bhuta kala bagandha, aérsanya désanya, lawanganya metu ring nariti, déwatanya Hyang Resi punggawa lewih, kakayonanya naga sari, mamanukanya crukcuk, lintangnya lintang kumbha, sasatonya bawi, tatamananya kembang plasa, pabanyonya telaga boncah, iwaknya lawat, sang Perang- …

112a. …(lembar naskah lontar hilang)
112b ….(lembar naskah lontar hilang).

113a. onyah boncah harepanya, mendra manahnya, kudu ulahnya, wangle jlidre tur brebasangan, kelar ngolekang lega, ngenyor ring sasananya, hetangan ring druwénya, tan pakedep ring rama ibhunya, banya salah karepnya, nganggo sapaidepe, samangkana polahnya, pasurupanya ngemasin ujar, ngemasin rowang, ika ta kayatnakna, marmaning kayatnakna, wus kapinilara dénira sang sang buta kala bandha, ika marmamé milaku linukat, déning Sanghyang Geni murub, kunang lara wéha nira, lara ring ngawak kabéh, lara ring karma, benyug gatel singgatan, lara mo- …

113b. ro kongkangan, anyang-anyangan, kahangan simbaran, apan rusak polahnya, lara ring weteng, ring suku beteg bangsel, buyan sangar kwaya gumigil, rumpuh lara berung krapa koréng, parang, missing pejen, lararing mata rasa rah, karma, lara ring gigir ring gulu wuwing, mala borok, lara dekah mawatuk, lara embet édan uyang, macek-macek, tuju tiwang, kawuhan lara déning wong edi, pamengkange ring ngarepin pawonya, srananya, celabingkah mrajah durgha, ika marmané laku linukat ring ngarepan pa- …

114a. wonya, kiniter déning geni murub, kéh toya padyusira, 11, warna, isuh-isuh dén agenep, kumba susu, kang pinuja déning Hyang Siwa geni, nga // 0 // Pawetuné sang Bala, wateknya, 7, urip, 3, palemahann balumbang apit jalan, panes pawetunya, kelar parak ring ngala, panguptiné sang buta durgha pradana, purwa désanya, lawanganya metu ring pacima, déwatanya Hyang Bibi Randu Durgha, kakayonanya bunut panggang, mamanukanya balungak, lintangnya lintang ngerang-ngerang, sasatonya asu belang kuning, tatamananya kembang ketirah, …

114a. pabanyonya telaga rah teduh, iwaknya lélé, sang Bala meles camara, wateké masriyutan kapriyatinan, wateking tangis, mawuni kelika, wateké nora kandap kasor, nora jerih maring parana, malih hana maka cirin panes pawetuné, yan ya codha sukune panes pawetunya, nga, apan ya maka kobok telaga teduh, ika panes pawetunya, kelar kadalih hala, pasimpenanya gedong konci ring harep, tan maduwé pawuban, mwah umbul-umbuyl, watek kelihan dunya, apan makukudung téja pering, lanang sang Bala, gangsuh pawakanya, …

115a. lancub prarahinya, jimbar karnanya, muncrat tinghalnya, sada bujuh cangkemnya, jangjang wuntunya, renteb alisnya, sadha depdep pasemonya, ngangsuh-angsuh sabdanya keras, tan lagawa ring kadang mitranya, kedik pasawitrané, cekatan kudu polahnya, demenya manuju-nuju, kasukanya mamuja mantra, pelakonya demen mameteng, corah karepnya, kereng budinya, pengkuh karepnya, ulahnya man kasoran, tan pakedép ring rama ibhunya, pasurupanya pejah déning sangjata, ika ta kayatnakna, marmané kayatnakna, apan yaw us kapini- …

115b. lara dén sangbuta Durgha pradana, ika marmané laku linukat ring Hyang Buda gamana, kunang lara wéha nira, lara salah tinghal, salah karep, édan paling, kuliran laranya, lara ring sirah puruh, nyapnyap uyang, lara ring nétra, ring karma curek bongol, lara ring cadik, ring bawu ring gigir, lara ring weteng kwaya, gumigil embet, lara dekah mawatuk, macek-macek pamalinan, lara beteg empuk koréng, kwambit kosta krapa, busul édéh, ngereres, tuju tiwang bantang, berung rumpuh sangar, lara ring …

116a. suku beteg bangsel, malwang semutan babyunan, lara missing pejen jampi, lara ring wangkong prana seret rasa, moro kahangan, lara sedih kingking kedaling nguwisaya ngamaténin wong, samangkana laranya, mwah polahnya, malih laranya kena pepasangan désti, sa, nya, batu bulitan merajah huluning naga, matali lawé hirang, kapendem ring pajoganya diwang, ika marmané lku linukat kinurungan, ring jeroning lwang sedeng pajongkokanya ngiring, irika wenang linukat, kéh toya madyusira, sawarnaning toya pange- …

116b. mbanya kumba susu, 7, isuh-isuhnya dén ajangkep, kang pinuja déning Hyang Budha Gamana, récadananya ring sor, nga // 0 // Pawetuné sang Wugu, wateknya, 3, urip, 2, palemahan karang luwang panes, panguptiné sang kala buta runa, généya désanya, lawanganya metu kawayabya, déwatanya Hyang Siwa Sitanjanma, kakayonanya bowok, manukanya dangdang, lintangnya lintang lurung agung, sasatonya gajah, tatamananya kembang cempaka wilis, pabanyonya telaga cracappa, iwaknya lindung, …

117a. sang Wugu meles boni, sing andulu pada kapengin, padha menék katon déning wong kabéh, wateké nora demen ring wong ngakéh, parak ring sepi, wuninya buta kakawa, panes pawetunya, wateké demen ngagam priyatinan, lalandepé ring ngarep, , amobudiné pwara jimbar, pasimpenanya gedong malumah, tur kawundit déning pawubanya, umbul-umbulnya gadang, wateké angiyung anguntang-anting, akas budinya wiku, hibek pangrencananya, kudu polahnya, gelayar-geluyur pamentasanya, kinasihan déning rama ibhunya, pelakonya adagang alayar kasukanya, …

117b. kusut prarahinya, jimpes karnanya, mekmek rambutnya, renteb alisnya, epawulatnya, nyandat pawakanya, atap untunya, jrebu pasemonya, sedeng pangadegnya, wigig guyu pelakonya, ngangsuh-angsuh ujarnya, demenya manuju-nuju, pengkuh rentang polahnya, cinging brahitungan pantesanya, polahnya agelis polih, kasukanya magonjakan, amangan anginum kasukanya, monyér ngenyor pelakonya, boncah karepnya, ganjah pelakonya, tan pangidep ring rama ibunya, pasurupanya pejah, kelar kedalih hala, déning sasanak mitranya, samangkana po- …

118a. lahnya, ika kayatnakna, marmané kayatnakna, apan yaw us kapinilara, dén sang kala buta taruna, ika marmané laku linukat ring Hyang Gangga Gamana, kunang lara wéha nira, lara sedihkingking, kedalih hala déningsasamanya lara ring sirah, puruh paling, nyapnyap uyang, édan salah ton, lara ring suku, ring karma, bongol, curek, lara ring nétra, ring hirung, ring cangkem, lara barah mokan wing, muntah missing pejen, jampi lara ring ngawak kabéh, lara ring suku barah, berung bongkang, krapa koréng, kwambit, empuk krék gudig, lara embet, …

118b. lupa luyu, lara ring bawu ring gigir, ring weteng, kwaya gumigil, abuh busung, lara ring wangkong, ring prana, lara dekah mangwatuk, macek-macek, manunggék laranya, lara ngereres tuju,, lara tiwang bantang, kaku kibih, lara bangsel, beteg rumpuh sangar, semutan malwang, kawuhan laranya kena papasangan, ring padyusanira, sraananya tulang janma, tinalénan lawé bang, balénya sunduknya lung, ika marmané laku linukat kinurungan ring kayahan nira, kéh toya padyusira, 11, warna, isuh …

119a. isuhnya dén ajangkep, embanya kumba susu, 6, kangpinuja déning Hyang Gangga gamana, nga // 0 // Pawetuné sang Wayang, wateknya, 1, tan maduwé urip, palemahanya karang brahmana, panes pawetunya, panguptiné sang kala buta mreta, lintangnya lintang ru, daksina désanya, lawangan metu ring utara, déwatanya Hyang Giri Putri, kakayonanya kroya, …

119b. mamanukan madangsan, lintangnya lintang ru, sasatonya lembu, tatamananya kembang pandan, pabanyonya telaga lolohan, iwaknya manca warna, sang Wayang meles tibah, pawetuné sang kala sakti, kala malwih, wateka kawungkulaning papadane tatan ajerih maring paran, watreka lila ibunya, angadep sarwa harum, budhine lewih, aprarahi jimbar, pasimpenanya gedong kinonci, déning umbul-umbul bhang, mawuban bila mwang kamuning, wateka mangalap kasor, kereng puguh rentang, papantesanya linyok ring ujar, tan sareh polahnya, tan pake- …

120a. deping rama ibunya, kudu cinging karepnya, agelis polih ryarepan sinilihan, goroh ring raja druwénnya, cacekatan kelar ngolehang, boncah obah enyor, kasukanya ngadol sekar, mwang sarwa wija, tur brata dayan bragandangan, kidik sawitranya, kelar ngawisésa gelah kadangnya, istri sastingalnya, renteb alisnya, akas untunya, tebel lambénya, muda ujarnya, jrekusa samunya, tenget pambekanya, dabdab palakunya, wateka asri ring rame, sungsung guyu kelar sengitan, wiku wiweka karepnya, demen manuju-nuju, …

120b. kelar tilar ring pagawénya, lédang polahnya, ngangsuh-angsuh caranya, brehitungan breirian, pasurupanya ngemasin ujar, samangkana polahnya, ika ta kayatnakna, marmaning ta kayatnakna, apan wus kapinilara, dén sang kala mreta, ika marmané laku linukat ring Siwa tirta gamana, kunang lara weha nira, lara tuwekan rangsek, macek-macek tur dekah, lara ngwa tur kasrapan, uyang nyapnyap paling, édan patikacuh, salap-salapan, lara gudug kusta, parang berung sangar koréng, lara ring guru borok ginjel, , mala seret uwing, lara …




Beryadnya dengan Sharing

Tak akan Mengurangi Pengetahuan

Buku Terkait
Baca Juga