41a. pané anyar, 3, tadah pabangkit dén agenep, saprantasan banten malukat dén agenep // 0 // Su, pa, wintang bubu bocor, nga, hala hayunya, sing gawénya gelis teka, gelis telas, nging bwat tukaran tan kasoran, semalih yan ya masekaya, nging ya katekaning lara baya, yan telas kayanya gelis waras tan patamba, nga, mwang tan embang bribinan, tan tuna ring pisaganya nyangidang lara, laranya tan tuna manangtang, durga tiwil gunan ring awaknya, marmanya lara tan pegat, malih hala caranya, kelar tilar ring swaminya, ka, pasurupanya pejah, kena upas, mwah kena cetik, nga. Samangkana polahnya, kunang pa- …

41b. mahayunya, bawi, ji, 999, bébék, 3, syap, 11, elis, 3, peras, tadah pabangkit dén asregep, pané anyar, satingkah malukat madudus agung kawenang, nga // 0 // Su, pwa, wintang perahu pegat, nga, kelar kapegatan tresna, tur kelar bribinan, babotoh plalakonya, ganjah tan jenek ring désanya, karepanya rumbang idepnya, mwah wedi ring abot, crebaka ring pangan kinum, sengit marédanya ring rama ibunya, yan duka kelar acacala, ring sanaknya, mwah ring mitranya, puguh pengkuh pangangen-angenya, pasurupanya pejah ngemasin ujarnya, nging dana upamadya lewih, ring sanak mitranya, leganya mabwatan, nga, …

42a. samangkana polahnya, kunang pamahayunya, bawi, ji, 777, bébék, 3, syap, 11 pras elis, pada, 1, tadah pabangkit dén asregep, wenang saprantasan malukat dén agenep, mwah madudus kawenangnya nga, // 0 // Su, wa, wintang rebut hutang, nga, ngisringan hala ring ngayu, apan gunan awaknya larung, pagelangan, ikatan embang laranya, mwah tan embang tukar ring sasamanya, bwat mahutang suwé, ika selantang jalan katagih, déning sasamanya, ika hutangnya ngawénang sedih kingking, tan embang manyélsel awaknya, ika madya limintwange ngulati ya, pada harepa managihin, ika karepé ngungsi mati dén agelis, harepé ngantung déwa k, …

42b. muwah malebu banyu,malih yan matengah-tengahan meh ya salah pati, wongé samangkana, nga. Samangkana polahnya, malih halanya, wekasan, nga. Kunang pamahayunya, bawi, ji, 444, bébék, 3, syap, 9, pras elis, pada, 1, tadah pabangkit dén agenep, saprantasan malukat dén asregep, mwah pané anyar sarwa genep, nga. // 0 // Su, ka, wintang udang, nga, hala dahat duknya laré, klar bribinan hati, wusnya alaki arabi, irika sukanya teka, mwah anaknya makuwéh, tur rendah tan kurang pangan kinum, ka. Mwah pakawisanya membet, nga. Sing gawénya manggih bukti, nging brasatwayan, kéh wong asih, dadi pawubaning kadang mitranya, ka. …

43a. di wusnya aputra, irika halanya dahat, saolihnya anaknya kabéh, pada mangedo ring rama ibunya, tur tan embang lara baya, laranya kalanger, maniwang, memantang, ika marmaning sedih selantang jalan, tan embang anaknya hala, ka. Samangkana polahnya, kunang pamahayunya, bawi, ji, 888, bébék, 3, syap, 11, pras elis, pada, 3, tadah pabangkit dén asregep, saprantasan malukat dén asregep, wenang pada sregep // 0 // Upada ngawara, watek, sa, wetuning wong, wrewehan Bhatara Brahma, daksina désanya, upti ida Bhatara Yama, ping, 9, manjanmanya, Bhatari Durgha de- …

43b. watanya, kakayonanya kepuh, mamanukanya baka, pwayanganya yanglalah, uninya kanya, mahulu paksi, mwah pupuguh, mapangemban cora-coré, muwah jugil, sasatonya lembu, prarésinya kanya, asrep dupa, tuwuhnya tuwuh gédang tunggul, nga, ring, sa, wetunya, ring sabda ring tangan gunanya, manis pangucapé, nging tukaran, sakéwala sebet ring gawénya, telek budinya, tur sandi ngucap, pantes polahnya, apasagi pangadeganya lanjar, ngedapan poh rupanya, tirus kajagut prarahinya, alit karnanya, renteb alisnya, nipis lambénya, atap untunya, sungsung guyu ulatnya, ringgih tingkahnya, mwah tindakanya, …

44a. muda ujarnya, widuwasta polahnya, ri sanak mitranya, tan panyadin plalakonya yukti, plalakonya kelar agagonjakan, tan teguh ring ujarnya, tan parak ring yukti, parak ring rama kasukanya, demené manuju-nuju polahnya, dana upama ring sanak mitranya, nging kelar ngolekang polahnya hala, sungsung guyu kelar sengitan, saparipolahnya, kelar akaklidan linyok, polahnya gelis polih, kudu recap manuju-nuju, polahnya wedi ring abot milimihin, ngawaya ring pawas-wasan polahnya, menga mahanda ring ngaji, wanci maring ujar, eweh pambekanya, lenggana tur komed, lawas tan paswami, nda tan minggataken ring …

44b. rama ibu, get tresnéng ring sasanaknya, mwah ring rama ibunya, polahnya nyiring ngujar, harepé wisésa guna, tan apisan akrama, pelalakonya kelar tilar acacala, tan tuhu pambekanya, upisa ring won len, wigi maring pangan kinum, tan crebaka, sukanya agung asastra yukti, henti sukanya atatembangana, harepé tan kungkulan déning mitranya, pawretinya kasukanya, adagang awastra, sutra mwah sekar, sukanya tan maren adagang sandang, mwah ngemalandangin kasukanya, nging wawu satengah tuwuhnya, irika liniput déning ujar hala, kadalih nengenin, déning sasanaknya, mwah mitranya, samangkana polahnya, sang, sa, nga. …

45a. kunang lara wewehan nira, kelar locanan, kasandung ring ngawan, kasuleg gajengklok, teka jengker salah laku, polahnya mamerot barah, sangar berung tubu kacicingan, lara beteg bangsel, ngerapa koréng parang, empuk laranya, ring suku rumpuh, lara ring sirah, puruh paling, nyapnyap mutah-mutah, sungleng-sungleng kapupungan, polahnya, tur uyang blasak, lara karnanya masriyor mawusan, yéh panonnya pasburat manyérokcok, bang socanya, lara ring cangkem barah, mokan ring, blayuran empuk lambénya, lara ring bawu gondong ginjel, lararing weteng kaku abuh busung, mengkak buyan hati manglunteb, klenger tan pangucap, sret manguyang mawatuk tunggah ma- …

45b. kelkelan, tan aturu kelar suwé,lara rangsek pamalinan nunggék-nunggék, mangancuk-ancuk mangreres, tan kena resresan lara satuwuk, lara prana empuk seret, moro kaangan, larakna tiwang tuju laranya, tan embang laranya, wawu nengah tuwuhnya wenang lara baya, samangkana laranya, sang, sa, kunang tan hana pamahayunya, wenang linukat, ring dina, panca wara pahing, marep kidul, wawu, da, 8, apan sang, sa, maurip, da, 8, patinédawuh, yéh panglukaté wenang ngidih ring dagang crakiné di pasar, mwah ring wong kedalih nengenin, mwah yéh pasih, mwadah kumba susu, 9, caru sega sawakul, iwak itik, céléng, 3, …

46a. muncuk magoréng, rumbah gile, saksak mencak, jangan sakwali, mwang pangiring syap mapanggang, gédang hayu suruh hayu, suci genep, maguling bébék, mwah panca papahes, sekar sarwa bang, sasagi genep, hutang-hutanganya, harta, 999, madyus mapatelasan bang, iki recadananya, nga. …

46b. …

47a. // 0 // emalih yan malukat hana pamahayunya lara, mwah pamahayunya hala carané, mwah hala pawintanganya, kunang pamahayunya, banten matatab di pamesunya ka marga agunge, lwirnya, sasayut kasuma yudha, nasin sasayuté, beras barak, tur adukin beras putih akidik, raris tepeng, rakanya kadi sasayut, sampyan naga sari, syap biying mapanggang, kari ukudan, encakin agigis, wuwapin basa lebeng mapecel, malih tatanding sekul gurih, nasi madukan kacang, gerang lebeng, ketisin asaban candana, dadyang palupuwan, raga tulung ngurip, 9, besik, sampyan plawus, masyap biying pinanggang, masibak uli di tundun, sampyan na- …

47b. ga sari, pisang payasan, sukla pawitra, pras tataban, elis panyéneng kampuh sapradeg, sasari genep, beras, 9, catu, harta, 900, lawé satukel, nga. // 0 // Semalih hala hayuning pawintanganya, mwah maka pamahayunya, lwirnya, sa, u, wintang depat, nga, buwat anemju hala hayu, malih duknya laré, tan sipi hayunya, nga, tur dadi pawubaning kadang mitranya, tunggeng tresnane ring kadang mitrané, mwang ring rama ibunya, malih diwawuné satengah tuwuhnya, irika hala dahat, tan tuna kadalih wisaya nengenin, déning sasamanya, nga, apan kinaraban buda gunanya ring ngawak, …

48a. ika kelar hala patiné déning sangjata, nga, samangkana polahnya, kunang pamahayunya, wenang linukat ring dina panca wara, ka, panglukaté sekadi mungguh ring ngarep, sané metu ring, sa, bantenya kadi mungguh ring ngarep, tur bantenya mawuwuh, lwirnya, bawi, ji, 955, bébék, 5, syap, 15, pras lis, tadah pabangkita dén asregep, mwah payuk pané anyar, kumba susun, 9, yéhnya kadi mungguh ring ngarep, padyusanya mapatelasan bang, duluranya dén asregep, nga // 0 // Sa, pa, wintang sangjata, nga, hala hayu katemu, hayunya pageh dira ring rana, tur kinasihan déning sang prabhu, kéh wong asih, …

48b. ku, halanya dahat, nga, tur ngugu pisuna, buwat kudu loba polahnya, mawor linyok, demené manuju-nuju, ganas ujarnya, tan embang puwik, ujarnya kelar sasumbar, tur manantang-nantang, pantesanya kelar macolongan, tur kelar manuga polahnya, pasurupanya pejah, maperang mayudha, yan tan samangkana, pejahnya ngemasin polahnya, kunang pamahayunya, bawi, ji, 999, bébék, 3, syap, 11, pras lis, tadah pabangkit dén agenep, saprantasan malukat, wenang sarwa genep // 0 // Sa, pwa, wintang sungéngé, nga, hala hayu palanya, apan angawa kakembangan, duknya laré mwah jajaka, i- …

49a. rika hayu tan manggih hala, geng tresna maring rama ibunya, mwang ring sanak mitranya, nga, dadi pawubaning wong kabéh, tur mlarang laranya, sing gawénya amanggih boga bukti, tan kirang pangan kinum, tan pamingataken ring rama ibunya, pratameng wana ya ika, kenyih ring ujar rama ibunya, ring wusira alaki rabi, mwah apuputra ika, wawunya nengah tuwuh, irika dahating hala teka, mwah dahating malara, hala tan anglesang paturon, tunggal malara da pejah, halanya kelar pasha alaki rabi, ka, pasurupanya pejah dekah,, samangkana laranya, kunang pamahayunya, bawi, ji, 777, bébék, 3, syap, 9, pras lis, 3, tadah pabangkit dén agenep, …

49b. pané anyar, wenang saprantasan malukat sarwa genep, nga, // 0 // Sa, wa, wintang hpuh atarung, nga, hala kelar mresiku sasananya, tan embang amanggih wirodha, mwah wiring, matukar tan kasoran, suwé dénira awucap hala, tur kelar bracolongan, tan embang pwik ring rama ibhunya, mwah ring sasanak mitranya, mwah ring ramanya, mwah ring sasanak mitranya, mwah ring rabinya, papantesanya , agelis rengdang, ka, hala dahat déning ujar mahala, nging ya isinan, sing ginawé mupu laba, mwah sugih rendah, marédanya cinging, kelar mangwisésa gelah rowang, ika marmaning kaliput déning ujar hala, pasurupanya pejah, tinuwek selantang jalan, déning …

50a. satrunya tuwi, kunang pamahayunya, bawi, ji, 444, bébék, 3, syap, 9, pras lis, tadah pabangkit dén agenep, saprantasan banten malukat dén agenep, mwah caru dén ajangkep, nga, // 0 // Sa, ka, wintang pakirim, nga, hala dahat tur makun, kelarnya mamiyut untang-anting, ngutang-ngutang gelah, kabiratan ring sasamanya, cempoleh hatinya maring ujar, mengkuh bidug polahnya, tur bereh iryan, pelalakonya gelis polih, cemoh ulahnya, nging akéh wong ngasih, demenya mabotbotan, tuhu ujarnya tan panyadin, tan tresna maring rama ibhunya, nga. Kelar tukaran, nging bwat kagringan titir, halanya sedih ring raré, …

50b. bwat laréné kéh pejah, yan tan samangkana, hana halanya, bwat rangda kari anom, samangkana halanya, apan larung pagelangan, gunan awaknya, wongé, metu ring, sa, ka, malih yan tan kadalih wisaya nengenin, yan tan samangkana, hala ngemasin hutang, ka. Kakancayang,kaaadol matunggu, nga, pasurupanya pejah, mangreres, makungku metu rahnya, pasurupanya pejah ngawa perot, labuh elung, samangkana buwat halanya, kunang pamahayunya, wenang linukat, sekadi pungkuring ngarep, yan tan pahayu digelis, maka pamahayunya, dén asregep, wenang madudus agung, kapinuja hyang resi kawenangnya, haywa ta ngalyanin, yan pa- …