Watak dan Nasib dalam Lontar Udayati


61a. sawa, sedeng pangadegnya, sandat warnanya, sada lemuh pawakanya, unter prarahinya, mekmek romanya akas, renteb alisnya, mucre tinganya, tebel lambénya, atap untunya, dabdab tindakanya, kenceng pelakunya, glayar-glayur manahnya, mabobotan karepnya, gupuh sapaniskaranya, tur sanda paniskarane pangané , kelar tukaran tuget hati pelakunya, kasukanya, ararasan agagonjakan, parak ring rame kasukanya, madoh ring sepi, someh ring kadang mitrané, kerep budinya, mendra karepnya, tajem manahnya kawi, wicaksana, sada jebe pasasmonya, kre manahnyqa, sang Ukir pawakan dapdap sor, …

61b. pelakonya suka, ngadol pikulan, nyudagarin, dampuk sapaniskaranya, tur dadi pawubaning kadang mitranya, nga, malih palabanya rawuh, wawuh satengah tuwuhnya, malih halane sang Ukir, kelar nganggo sapangidepnya, tan sareh ring rama ibhunya, asih wang mitranya, mwang ring kadangnya, tur tan embang tukaran, mwang mapwik ring kadang mitranya, tekaning sapakurenanya, yan duka kelar macacala, samangkana polah sang Ukir, tan nganggo sapangidepnya, rentang pangkuh sapakurenanya, mwah ring pada sasanaknya, samangkana polah sang Ukir, nga, ika kayatnakna, marmaning kayatnakna, apan sang Ukir, wus ta kapinilara, déning sang buta ngawé, …

62a. ika marmaning sang Ukir,amilaku linukat, dénira sang Siwa gamana, kunang laranya sang Ukir weh-wéhanira, lara kepuk cegah, puruh manglempuyéng, nyapnyap, lara buyan hati manglimuh, mwah mangibuk, seneb, lara ring weteng, mangilut-ilut teka luwas, kebyah-kebyuh rasanya, lara ring nétra, ring karna, ring ngirung, tuli empeng mawusan, makuwub rasanya, lara ring cangkem uwing mokan, seret lara ring cadik, lara lesu lupa, mwah ring bawu laranya, ginjel borok, lara abuh busung, kwaya gumigil, lara ring madya, prana tuju rasa, kahangan, anyang-anyangan, mwah pejan jampi mising, …

62b. lara dekah, mawatuk,lara pamalinan manunggek manebek,lara empuk, kwambit, keskes koréng, koréng berung ngerapa, lara ring suku bangsel, beteg ngemuhmu,lara tiwang selo,lara édan angumik anambat-nambat déwa, mwang anambat-nambat pitara, samangkana laranya sang Ukir, nga, semalih kawuwuhan laranya, lara kadéwan-déwan, titahnya,hana panguwuh lara saking matukar tan kasoran, mwah paturonya panes, tilamnya pecak dedakan geni, tur suwé katebek déning wastranya, nga, malih kawuhan laranya, pamalinan, tegalnya kari nganget saling suduk saling li- …

63a. ngkuwin,malih kawuhan laranya, ika dénya pada lyan,ika pada banget milara ya, ika marmané sang Ukir, milaku linukat kinurungan ring tegalnya kwehing toya padyusanira, 11, warna, isuh-isuh dén ajangkep,pangembanya, kumba susu, 9, kang pinuji déning Siwa gamana, nga // 0 // Pawetuné sang Krantil, watek, 20, urip, 8, sang Krantil mapalemahan tegal malakang, panguptiné sang kalara reget, naréti désanya, lawanganya metu ring aersanya, déwatanya Hyang Lumanglang, kakayonanya kepuh, mamanukanya titiran, lintang wadon lintang kukusan, sasatonya …

63b. asu, tatamananya sekar dapdap, pabanyonya banyu, sang Krantil makabo banyu, tanganya, yan samangkana panes pawetunya, iwak telaganya deleg, sang Krantil males tengeng, mawuni kuda,makakudung téja, pasasimpenanya gedong lumah mahineb, pawubanya lumbung suwung, nga, sang Krantil duking nganom, mwang sang gama, sing pawretinya amanggih laba, ring wusé apuputran, irika suwung sapaniskaranya, sang Krantil maumbul-umbul di harep, marmanya samangkana, kasukanya dumun, samangkana polahnya, tan harep nyimpen brana, mwah hartha, tan pajenek kasukanya, nging bohin sédana, …

64a. gelis teka gelis miyang, istri sang Krantil, trus prarahinya, balut socanya,larang alisnya, tutut rambutnya, kakarangan karnanya, nyandat pawakanya, semu kuru semu kura polahnya, jeben pasemonya, wigih pambekanya, ngingsuh-asuh sabdanya, kretha polahnya singid, demenya manuju-nuju, buwat turu ya, mwah tukaran, rentang bengkung pambekanya, hitung ri kejadmanya, hitungin ring rarasan duwénya, pawretinya sarwa wohwohan, asih ring wang laré, amadya rupanya, mwah polahnya, tur manganggo sapaidepanya, tan anganggén saidep ring rama ibhunya, mwah ring sasanan ka- …

64b. dang mitranya, mwah ring mitranya kabéh, ika ta kayatnakna, apan ya wus kapinilara, déning sang kala rarégék, ika marmané linaku linukat, ring Sanghyang Siwa gamana, nga. Kunang lara wehan nira, tan embang laranya busul lédéh, koréng parang, kosta kérék késkés gudig, wawaninan, gatel krayapan, mwah bangsel mangemu-emu, mwah marlupa malwang semutan, babyunan, mwah lara ring weteng, tegahan bahig anginan, behenan, begah begis, walikatan lara hati, manglempuyéng, mwang lara ring hulu, …

65a. ring karma, ring nétra ring cangkem, lara ring pasta ring wangkong, dekah mawatuk rangsek, ring suku berung, bongkang rumpuh, sangar kwaya édan, ngawag-awag sabdanya, manglimuh buyan hati,malih kawuhan laranya, déning sasamanya, kulit dagingnya pada edi, matukar tan kasoran, ika milu milara, tur pakaranganya during kedabdabang, ring saraya, malih kawuhan laranya, raab balénya matampih ring raab balé lyan, malih kalingkuhan, lawanganya tatebokan, ring sawah lakunya, during cinaronan, milu milara ya, ika marmané linaku linukat, …

65b. kinurungan ring tepininh toya, nga. Kéh toya pinaka dyusanya, 9, warna winadahan kumba susu, 6, isuh-isuh dén ajangkep, kapinuja déning Siwa Baruna, ikiracadananya, mawetu ring Krantil, nga // 0 // Pawetuné sang Taulu, wateknya, 8, uripnya, 5, sang Taulu mapalemahan rurung agung, panguptiné sang sang kala manglalawang, pascima désanya, lawanganya metu ring purwa, déwatanya Hyang Gana Komara, kakayonanya waringin agung, mamanukanya médangsan, lintangnya lintang lawéyan, sasatonya tinggili, tatamananya campaka petak, …

66a. papanyonya telaga adakan, iwaknya papatih, sata ulu mahales kali kukun, mawuni bhuta kala sakti, pasimpenanya gedong menteb, lumbung embek, pawubanya tangguli ketur, maumbul-umbul diyori, tumungku ring asu petak ring kuning, ika isumba wetuné sang Taulu, dinedenya apuputra, irika mabet suka wiryané, tur dadi pagurwané wong kabéh, pawretinya ngadol sarwa mulé, suka dunyane maring wong ring petatlanan,lanang sang Taulu, lewih anggana pawakanya, gangsuh pangadeganya, gencang solahnya, kereng pambekanya, keras pangucapnya, krinyi …

66b. pambekanya, goroh ring raja druwénya, wicaksana tur purusa, tan ering saparanya, etangan ring druwénya, cekatan ring sasamanya, tur tan panyadin polahnya, tur dadi pagurune kadangmitranya,pawretinya alunga adagang, apan panguptiné sang kala manglalawang,kasukanya madagang lungha, ika marmanya tan pajenek maring umah,ganjah palakonya, ika kayatnakna, marmaning kayatnakna, apan yaw us pinilaran déning sang kala ngelalawang, ika marmané laku linukat, hana ring Sanghyang Siwagni, kunang lara wéhanira,lara lupa lesu, …

67a. malwang, semutan babyunan, lara barah abuh sangar, kahangan kongkangan, rasa busung embet, anyang-anyangan, beteg bangsel, gatel berung, parang, koréng, empuk ngerapa, tumbuwan, lara dekah, mawatuk kasrapan, rara metu rah, missing pejen, lara ring suku rumbang ngrimpus, rumpuh, lara ring tingal ring karma, tuli curek, lamur seksekan buta syap, uwing seret, pamalinan macek-macek, lara tuju tiwang, nyébeha jampi, mamules leplep, tur kawuhan laranya, kena pepasangan, désti, serananya hatin ayam hirang, wus ri- …

67b. najah, kapendem ring tengahing natarnya diwang, pangawitnya wongé masangin, antuknya cinging kelar mangelehang, kelar ngawétuwang, ika marmanya edi, tatangganya sareng edi, antuknya manyilih tan kadagingan, wus iya maswaka, mwang lara kawuhana déning pageranya saling suduk, during kadabdabangng, ika sareng milara ya, muwah hana balénya umahin tabwan, tur bubutan kawuningan, ika sareng milara ya, samangkana polahnya, ika marmaning sang Taulu, milaku linukat, ring luwang kinurungan, kéh toya padyusanya, 10, warna, …

68a. isuh-isuhnya genep, pangembanya kumba susu, 5, pinuja de hyang siwa geni, nga // 0 // Pawetuné sang Gumbreg, mawatek, 8, mahurip, 7, sang Gumbreg mapalemahan apit rurung, panguptiné sang kala wariga, wayabya désanya, lawanganya metu ring genéya, déwatanya Hyang Nganta Siwa, kakayonanya godha,pamanukanya satawana, lintangnya érang-érang, sasatonya mretapati, tatamananya campaka abang, babanyonanya telaga brawah, iwaknya lindung, sang Gumbreg mahalas tangguli gending, mawuding kedis dhangdhang, pasimpenanya lumbu mesi kiwa tengen, pawu- …

68b. banya umbul-umbul wilis, sang Gumbreg coda sukunya ring tengen, ika metu melik awaknya, apan sukunya ring tengen matanda getih, ika gunanya suka, tur kinasihan déning wong agung, dadi pawubane wong akéh, istri sang Gumbreg, mawak gugutuk babatwang, semu wilis rupanya, gilik prarahinya, renteb alisnya,malang karnanya, mekmek romanya, galling pangadeganya, dabdab polahnya, sungsang guyu ulatnya, hetangan ring duwénya, goroh ring raja duwénya, asih ring kadang mitranya, manis pangucapnya, mendra manahnya, telek ring ngaji mwah ring gawénya, telek budhinya kereng, kasu- …

69a. kanya ngadol sarwa wija, samangkana polahnya, nging kéh ujar mahala, marmaning kéh ujar mahala, déning ya tan pakena kokih karepnya, tur tan kena sinayutan karepnya, ika marmaning kéh ujar mahala, tan tuna kagawénang pisuna déning kadang mitranya, ika ta kayatnakna, marmaning kayatnakna, wus ta pinilara dén sang kala wariga, ika marmané pinilara, laku linukat, ring Sanghyang Siwagni margha gamana, kunang lara wéhanira, lara ring sirah, ring cangkem, embokan tumbuwan, uwing buta ring mata, lara pamarasan,lara maluyu, sawat tinghalnya, ngelempuyéng lara ring ngambekan, tanganya embalm, …

69b. kepek kawusan, lara ring weteng abuh kwaya, gumigil lara ring wangkong, ring prana ring pasta, lara ring suku lesu maluwang, lara embet mangredek, lara ayan, édan ngawag-ngawag laranya, lara metu rah nanah, empuk kosta kirapan, koréng parang sangar berung bongkang, kahangan ngerasa beteg bangsel, semug ngemu-ngemu, mwang pamalinan macek-macek, tur tunggrah, dekah, mawatuk makalkelan, tuwekan selo, gatel pacablebleg, kusta wanin laranya, tur kawuhan laranya, kena papasangan ring karangnya, sa, who bila rinajah buta balégo, ring jeronya madaging madun nyawan, sedah gédang …

70a. kapendem ring tengahing natarnya, semalih duwur kapendemanya linurugan déning wot, kawuhan paturonya cacad, galarnya tedakan geni, tur hana lesung bedah ring pakaranganya, ring genéya genahnya, ika sareng milara ya, ika marmané laku linukat ring tengahing marga, kéh toya padyusan nira, 7, warna, winadahan kumba susu, isuh-isuhnya dén ajangkep, kang pinuja déning sanghyang Siwagni marga gamana, récadananya ring sor iki, ngalih kasoran, nga // 0 // Pawetuné sang Wariga, mawatek, 14, maurip, 11, sang Wariga mapalemahan karang réjéng, …

70b. lebah kaluwan, panguptiné buta kala cengkal, nga. Utara désanya lawanganya metu ring daksina, déwanya Hyang Jagat Agni, kakayonanya jaka, mamanukanya kapudang, lintangnya lintang sangjata, sasatonanya asu belang kali kukun, tatamananya tunjung biru, pabanyonya telaga kula, iwaknya manca warna, sang Wariga meles minyak, mawuni gerudha, pasimpenanya mesi tur ring harep, tur kawuban déning umbul-umbul bang, mwah pawuban gunung candi brawah, panes tis pawetuné sang Wariga, lanang sang Wariga, sedeng pengadeganya, bengah warnanya, lwir duren sajuring prarahinya, …




Beryadnya dengan Sharing

Tak akan Mengurangi Pengetahuan

Buku Terkait
Baca Juga